নেশ্যনেল ডেস্ক, 26 ফেব্ৰুৱাৰী: দেওবাৰে হাৰিয়ানাৰ ঝজ্জাৰ জিলাত ভাৰতীয় ৰাষ্ট্ৰীয় লোক দলৰ হাৰিয়ানাৰ সভাপতি নফে সিং ৰাথী আৰু তেওঁৰ নিৰাপত্তাৰক্ষীক গুলীয়াই হত্যা কৰে অচিনাক্ত দুৰ্বৃত্তই । বাহাদুৰগড় চহৰৰ বৰাহী গেটৰ সমীপত এখন এছ ইউ ভি গাড়ীৰে গৈ থকা অৱস্থাত ৰাথী নামৰ প্ৰাক্তন বিধায়কজনক আক্ৰমণ কৰে দুৰ্বৃত্তই ৷ আইএনএলডিৰ নেতা অভয় চৌটালাই ঝজ্জাৰ জিলাত ৰাথীক গুলীয়াই হত্যা কৰা বুলি জানিবলৈ দিয়ে । ৰাথীৰ জীৱনৰ প্ৰতি ভাবুকি থকাৰ পিছতো চৰকাৰে নিৰাপত্তা প্ৰদান নকৰাৰ অভিযোগ উত্থাপন কৰি মুখ্যমন্ত্ৰী আৰু গৃহমন্ত্ৰীৰ পদত্যাগৰ দাবী জনায় চৌটালাই ।
সূত্ৰই জনোৱা মতে, আক্ৰমণকাৰীয়ে i10 গাড়ীত আহি ৰাথীয়ে যাত্ৰা কৰা এছ ইউ ভি (টয়’টা ফৰ্চুনাৰ) গাড়ীখনত গুলীয়াইছিল । এই আক্ৰমণত ৰাথী আৰু তেওঁৰ এজন নিৰাপত্তাৰক্ষী নিহত হোৱাৰ বিপৰীতে আন দুজন আহত হয় । আহতসকলক ব্ৰহ্মশক্তি সঞ্জীৱনী চিকিৎসালয়ত ভৰ্তি কৰোৱা হৈছে । বাহাদুৰগড়ৰ সঞ্জীৱনী হাস্পতালৰ অস্ত্ৰোপচাৰ বিশেষজ্ঞ ডাঃ মনীষ শৰ্মাই নিশ্চিত কৰিছে যে নফে সিং ৰাথী আৰু আন এজন ব্যক্তিৰ একাধিক গুলীৰ আঘাতত মৃত্যু হৈছে । ডাঃ শৰ্মাই কয় যে আৰু দুজন লোক গুৰুতৰভাৱে আহত হৈছে আৰু আই চি ইউত ভৰ্তি কৰাৰ পিছত বৰ্তমান চিকিৎসা চলি আছে ।
হাৰিয়ানাৰ প্ৰাক্তন মুখ্যমন্ত্ৰী তথা বিৰোধী দলপতি ভূপেন্দ্ৰ হুদাই নফে সিং ৰাথীৰ হত্যাকাণ্ডক লৈ শোক প্ৰকাশ কৰে । "হাৰিয়ানাত আইএনএলডিৰ ৰাজ্যিক সভাপতি নাফে সিং ৰাথীক গুলীয়াই হত্যা কৰাৰ খবৰটো অতি দুখজনক । ইয়াৰ দ্বাৰা ৰাজ্যখনৰ আইন-শৃংখলাৰ প্ৰকৃত ছবি প্ৰতিফলিত হৈছে । এই ঘটনাই স্পষ্ট কৰি দিলে যে আইন-শৃংখলা বিঘ্নিত হৈছে । ৰাজ্যখনত আজি কোনেও নিৰাপদ অনুভৱ কৰা নাই । তেওঁৰ বিদেহ আত্মাৰ প্ৰতি মোৰ শ্ৰদ্ধাঞ্জলি আৰু পৰিয়াললৈ গভীৰ সমবেদনা জ্ঞাপন কৰিলোঁ । এই ক্ষতি সহ্য কৰিবলৈ পৰিয়ালৰ লোকক শক্তি প্ৰদান কৰিবলৈ ভগৱানৰ ওচৰত প্ৰাৰ্থনা জনাইছো । আক্ৰমণত আহত নিৰাপত্তাৰক্ষীসকলৰ আশু আৰোগ্য কামনা কৰিছো ।’’ এক্সত প্ৰকাশ কৰা এটা পোষ্টত হুডাই এইদৰে কয় ।
আইএনএলডিৰ নেতা অভয় চৌটালাই কয় যে শেহতীয়াকৈ ৰাথীয়ে তেওঁৰ ওপৰত আক্ৰমণৰ আশংকা কৰি নিৰাপত্তাৰ দাবী জনাইছিল । "ৰাজ্যিক সভাপতি তথা প্ৰাক্তন বিধায়ক নফে সিং জী আৰু নাই । তেওঁৰ ওপৰত হোৱা কাপুৰুষালিৰ আক্ৰমণত সমগ্ৰ আইএনএলডি পৰিয়াল স্তম্ভিত হৈ পৰিছে, নফে সিং জী কেৱল আমাৰ দলৰ অংশই নহয় আমাৰ পৰিয়ালৰ অংশও আছিল, তেওঁ মোৰ ভাতৃসম আছিল ।"
- " class="align-text-top noRightClick twitterSection" data="">
‘‘শেহতীয়াকৈ নফে সিং জীয়ে মুখ্যমন্ত্ৰী, গৃহমন্ত্ৰী, ডিজিপি আৰু উপায়ুক্তক আক্ৰমণৰ আশংকাত নিৰাপত্তাৰ দাবী জনাইছিল । সেই সময়ত চৰকাৰে ৰাজনীতি কৰিছিল আৰু নিৰাপত্তা প্ৰদান কৰা নাছিল । ইয়াত চৰকাৰো সমানেই দোষী নহয়নে ? ভগৱানে নফে সিং জীৰ আত্মাক শান্তি দিয়ক আৰু তেওঁৰ পৰিয়ালক এই কঠিন সময়ত ক্ষতি সহ্য কৰিবলৈ শক্তি প্ৰদান কৰক ।’’ চৌতালাই টুইট কৰে ।
আৰক্ষীয়ে এই সন্দৰ্ভত তদন্ত অব্যাহত থকা বুলি জানিবলৈ দিয়ে । ঝজ্জাৰৰ এছ পি অৰ্পিত জৈনে কয়, "আমি এই আক্ৰমণৰ তথ্য লাভ কৰিছো । চিআইএ আৰু এছটিএফৰ দলে কাম কৰি আছে । অতি সোনকালে অভিযুক্তক গ্ৰেপ্তাৰ কৰা হ'ব ।"
বিজেপি নেতৃত্বাধীন হাৰিয়ানা চৰকাৰত বন্দুক প্ৰশিক্ষণ দি থকাৰ সময়তে আপৰ উচ্চতম আৰু দিল্লীৰ মুখ্যমন্ত্ৰী অৰবিন্দ কেজৰিৱালে শোক প্ৰকাশ কৰে । "হাৰিয়ানাত গুলীচালনাত আইএনএলডিৰ নেতা নফে সিং জীৰ মৃত্যু হোৱা ঘটনাটো অতি দুখজনক । তেখেতৰ পৰিয়াল আৰু সমৰ্থকলৈ সমবেদনা জ্ঞাপন কৰিছো । হাৰিয়ানাৰ আইন-শৃংখলা ব্যৱস্থা নষ্ট কৰিলে বিজেপিয়ে । দুষ্কৃতিকাৰীক ধৰিবলৈ আৰক্ষী নিয়োগ হ’ব লাগিছিল যদিও কৃষকক বাধা দিবলৈ বিজেপিয়ে সীমান্তত হাৰিয়ানা আৰক্ষী মোতায়েন কৰিছে ।’’ এক্সত পোষ্ট কৰি কেজৰিৱালে এইদৰে কয় ।
লগতে পঢ়ক: উত্তৰ প্ৰদেশৰ ফটকা কাৰখানাত বিধ্বংসী অগ্নিকাণ্ড; সাতজন শ্ৰমিকৰ থিতাতে মৃত্যু
