কিফিৰে(নাগালেণ্ড): এক মৃদু ভূঁইকঁপ জোঁকাৰি গ'ল অসমৰ চুবুৰীয়া ৰাজ্য নাগালেণ্ড । ভূমিকম্পটোৰ প্ৰাবল্য ৰিখটাৰ স্কেলত ৩.৮ আছিল বুলি জানিব পৰা গৈছে । সামাজিক মাধ্যমৰ জৰিয়তে নেশ্যনেল চেণ্টাৰ ফৰ চিছম'লজিয়ে (NCS) এই কথা প্ৰকাশ কৰে । নেশ্যনেল চেণ্টাৰ ফৰ চিছম'লজিৰ মতে বৃহস্পতিবাৰে পুৱা প্ৰায় ৭.২২ বজাত নাগালেণ্ডৰ কিফিৰে অঞ্চলত কম্পনটো অনুভৱ কৰা হয় আৰু ৬৫ কিলোমিটাৰ গভীৰতাত জোকাৰণি কেন্দ্ৰীভূত হয় । ক্ষয়-ক্ষতিৰ পৰিমাণ জানিব পৰা হোৱা নাই ।
ভূমিকম্পৰ কেন্দ্ৰস্থল কিফিৰে
নেশ্যনেল চেণ্টাৰ ফৰ চিছম'লজিয়ে এক্সৰ এটা পোষ্টত লিখিছে, "ভূমিকম্পৰ প্ৰাবল্য ৰিখটাৰ স্কেলত ৩.৮, ২৮/১১/২০২৪ তাৰিখ ০৭:২২:৫৮ বজাত, অক্ষাংশ: ২৫.৬২ উত্তৰ, দ্ৰাঘিমাংশ: ৯৪.৯০ পূৱ, গভীৰতা : ৬৫ কি:মি:, অৱস্থান: কিফিৰে, নাগালেণ্ড ।"
EQ of M: 3.8, On: 28/11/2024 07:22:58 IST, Lat: 25.62 N, Long: 94.90 E, Depth: 65 Km, Location: Kiphire, Nagaland.
— National Center for Seismology (@NCS_Earthquake) November 28, 2024
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/t52CfYbdKI
ভূমিকম্পৰ ফলত ক্ষয়-ক্ষতি
ভূমিকম্পৰ জোকাৰণি অনুভৱ কৰাৰ লগে লগে নাগালেণ্ডৰ কিফিৰে অঞ্চলৰ লোকসকল আতংকিত হৈ পৰা দেখা গৈছে । একাংশ লোকে ঘৰৰ বাহিৰলৈ ওলাই আহে । ইফালে প্ৰশাসনেও ক্ষয়-ক্ষতিৰ বুজ ল'বলৈ অধিক তৎপৰতা গ্ৰহণ কৰিছে । অৱশ্যে সৌভাগ্যক্ৰমে প্ৰতিবেদন প্ৰস্তুত কৰাৰ সময়লৈ ক্ষয়-ক্ষতিৰ কোনো তথ্য পোৱা হোৱা নাই । নাগালেণ্ড প্ৰশাসনেও কোনো ধৰণৰ স্পষ্টীকৰণ দিয়া নাই ।
মণিপুৰত ভূমিকম্প
প্ৰায় ৬ দিন পূৰ্বে অৰ্থাৎ ২২ নৱেম্বৰত উত্তৰ-পূবৰ আন এখন ৰাজ্য মণিপুৰত একেধৰণৰ ভূমিকম্পৰ জোঁকাৰণি অনুভূত হৈছিল । নেশ্যনেল চেণ্টাৰ ফৰ চিছম'লজিৰ মতে ২২ নৱেম্বৰৰ পুৱা প্ৰায় ৪.৪২ বজাত অহা ভূমিকম্পৰ প্ৰাবল্য ৰিখটাৰ স্কেলত ৩.৬ আছিল । ৰাজ্যখনৰ বিষ্ণুপুৰ আছিল ভূমিকম্পটোৰ কেন্দ্ৰস্থল । অৱশ্যে ভূমিকম্পটোৰ ফলত কোনো ক্ষয়-ক্ষতি হোৱা নাছিল ।
লগতে পঢ়ক :উত্তৰাখণ্ডত আছে হাঁহিব পৰা এবিধ আচৰিত গছ
