নেশ্যনেল ডেস্ক,১৬ আগষ্ট : দিল্লীৰ সুৰা নীতি কেলেংকাৰী গোচৰত সম্প্ৰতি কাৰাগাৰত থকা মুখ্যমন্ত্ৰী অৰবিন্দ কেজৰিৱালৰ আজি জন্মদিন । পুৱাই সামাজিক মাধ্যমৰ জৰিয়তে তেওঁক বিভিন্নজনে জন্মদিনৰ শুভেচ্ছা জ্ঞাপন কৰে । দলীয় নেতা তথা দিল্লীৰ মন্ত্ৰীসকলেও মুখ্যমন্ত্ৰীক শুভেচ্ছা জনাই সামাজিক মাধ্যমত পোষ্ট কৰে । ইফালে কেন্দ্ৰীয় মন্ত্ৰী তথা জ্যেষ্ঠ বিজেপি নেতা নীতিন গাডকাৰীয়ে শুকুৰবাৰে পুৱাই এক্সৰ জৰিয়তে তেওঁক শুভেচ্ছা জ্ঞাপন কৰে ।
লক্ষণীয়ভাৱে দলৰ বহু জ্যেষ্ঠ নেতাৰ পূৰ্বে গাডকাৰীয়ে কেজৰিৱালক জন্মদিনৰ শুভেচ্ছা জ্ঞাপন কৰে । যাক লৈ বিভিন্ন মহলত চৰ্চাও হৈছে । গাডকাৰীয়ে শুভেচ্ছা জনাই এক্সত পোষ্ট দিয়াৰ প্ৰায় ৪০ মিনিট পিচত দিল্লীৰ প্ৰাক্তন উপ মুখ্যমন্ত্ৰী মনীষ ছিছোডিয়াই এক্সত কেজৰিৱালক শুভেচ্ছা জনায় । গাডকাৰীয়ে পুৱা ৬.০৮ বজাত আৰু মনীষ ছিছোডিয়াই পুৱা ৭.৪৬ বজাত জন্মদিনৰ শুভেচ্ছাবাৰ্তা পোষ্ট কৰে ।
#HappyBirthday Shri @ArvindKejriwal Ji. 💐 pic.twitter.com/wcZgFoeLtK
— Nitin Gadkari (@nitin_gadkari) August 16, 2024
উল্লেখ্য যে পোনপ্ৰথমবাৰৰ বাবে অৰবিন্দ কেজৰিৱালে তেওঁৰ প্ৰিয়জনৰ সৈতে জন্মদিন উদযাপন কৰিব নোৱাৰিব । ৰাজনৈতিক জীৱন আৰম্ভ কৰাৰ পিচৰে পৰা তেওঁ পৰিয়ালৰ উপৰিও দলীয় কৰ্মীৰ সৈতেও জন্মদিন উদযাপন কৰিছিল ।
देश में चल रही तानाशाही के ख़िलाफ़ सबसे कठिन लड़ाई लड़ने वाले दिल्ली के मुख्यमंत्री, मेरे परम् प्रिय मित्र और राजनैतिक गुरु, @ArvindKejriwal जी को जन्मदिन की बहुत बहुत शुभकामनाएँ।
— Manish Sisodia (@msisodia) August 16, 2024
हमें गर्व है कि हम एक ऐसे देशभक्त और क्रांतिकारी नेता के सिपाही हैं जिसने तानाशाह के सामने घुटने… pic.twitter.com/5t2vXAb0Sw
২১ মাৰ্চত হৈছিল গ্ৰেপ্তাৰ :
অৰবিন্দ কেজৰিৱালক এই বছৰৰ ২১ মাৰ্চত ইডিয়ে গ্ৰেপ্তাৰ কৰিছিল আৰু যোৱা মাহত সুৰা নীতি কেলেংকাৰী সম্পৰ্কীয় একেটা গোচৰতে চিবিআইয়ে গ্ৰেপ্তাৰ কৰে । তেতিয়াৰে পৰা কেজৰিৱালে তেওঁৰ জামিনৰ বাবে কেইবাবাৰো আদালতত আবেদন কৰিছে । কিন্তু এতিয়ালৈকে তেওঁ উচ্চতম ন্যায়ালয়ৰ পৰা জামিন পোৱা নাই । যোৱা সপ্তাহত দিল্লীৰ ৰাউজ এভিনিউ আদালতে অৰবিন্দ কেজৰিৱালৰ ন্যায়িক জিম্মা ২০ আগষ্টলৈ বৃদ্ধি কৰে । এই গোচৰত উচ্চতম ন্যায়ালয়ে ২৩ আগষ্টত শুনানি গ্ৰহণ কৰিব ।
देश को World Class Governance Model देने वाले, 'काम की राजनीति' के सूत्रधार दिल्ली के मुख्यमंत्री @ArvindKejriwal जी को उनके जन्मदिन की हार्दिक बधाई व शुभकामनाएं 🙏💐 pic.twitter.com/fbu0PQ72tL
— AAP (@AamAadmiParty) August 16, 2024
লগতে পঢ়ক :কেজৰিৱালৰ অন্তৱৰ্তীকালীন জামিন প্ৰত্যাখ্যান উচ্চতম ন্যায়ালয়ৰ - Arvind Kejriwal Bail Plea
জন্মদিনত কাৰাগাৰতে থাকিব কেজৰিৱাল :
আগষ্ট মাহটো অৰবিন্দ কেজৰিৱালৰ বাবে বিশেষ । কাৰণ এই মাহটোতে অৰবিন্দ কেজৰিৱালে সমাজকৰ্মী আন্না হাজাৰেৰ সৈতে ২০১২ চনত দিল্লীৰ ঐতিহাসিক ৰামলীলা ময়দানত দুৰ্নীতিৰ বিৰুদ্ধে আন্দোলন আৰম্ভ কৰিছিল আৰু সেই আন্দোলন ইমানেই সফল হৈছিল যে অৰবিন্দ কেজৰিৱালে আম আদমি পাৰ্টীৰ নামত তেওঁৰ নেতৃত্বত এটা ৰাজনৈতিক দল গঠন কৰাত সফল হৈছিল । দেশৰ আপ প্ৰথম দল হৈ পৰিছিল যিয়ে দল গঠনৰ মাত্ৰ এবছৰ পিচত নিৰ্বাচনত জয়ী হৈ চৰকাৰ গঠনৰ সুযোগ পাইছিল । ইফালে উচ্চতম ন্যায়ালয়ে দিল্লীৰ সুৰা নীতি কেলেংকাৰী গোচৰত ইডিয়ে ৰুজু কৰা গোচৰটোত অৰবিন্দ কেজৰিৱালক অন্তৱৰ্তীকালীন জামিন প্ৰদান কৰিছে, কিন্তু তেওঁ চিবিআই গোচৰত জামিন লাভ কৰা নাই । যাৰ বাবে এতিয়াও কাৰাগাৰতে আছে ।
হাৰিয়ানাত হৈছিল জন্ম :
অৰবিন্দ কেজৰিৱালৰ জন্ম ১৯৬৮ চনৰ ১৬ আগষ্টত পুৱা ৭:৩০ বজাত হাৰিয়ানাৰ চিৱানীত হৈছিল । সেইদিনা কৃষ্ণ জন্মাষ্টমী আছিল বাবে কেজৰিৱালৰ পৰিয়ালে তেওঁক কৃষ্ণৰ জন্মাষ্টমীৰ দিনা শুভেচ্ছা জ্ঞাপন কৰে । স্কুলীয়া শিক্ষাৰ শেষত কেজৰিৱালে ১৯৮৫ চনৰ আৰম্ভণিতে আইআইটি জেইই পৰীক্ষাত উত্তীৰ্ণ হয় আৰু ১৯৮৯ চনত আইআইটি খড়গপুৰৰ পৰা মেকানিকেল ইঞ্জিনিয়াৰিঙত ডিগ্ৰী লাভ কৰে ।
শিক্ষা শেষ কৰাৰ পিচত তেওঁ টাটা ষ্টীলত নিযুক্তি লাভ কৰে । কিন্তু ১৯৯৩ চনত চাকৰি এৰি ইউপিএছচি পৰীক্ষাৰ বাবে প্ৰস্তুতি চলায় । কেজৰিৱাল ১৯৯৫ চনত আইআৰএছৰ বাবে নিৰ্বাচিত হয় । কিন্তু পিচত এই চাকৰি এৰি ২০০০ চনত তেওঁ 'পৰিৱৰ্তন' নামৰ এটা সংগঠন স্থাপন কৰে । এই সংগঠনটোৰ বাবে কাম কৰিয়ে ২০১১ চনত তেওঁ আন্না হাজাৰেৰ সৈতে দুৰ্নীতিৰ বিৰুদ্ধে দেশজুৰি আন্দোলন আৰম্ভ কৰে । তাৰ পিচত তেওঁ আম আদমি পাৰ্টী গঠন কৰে । দিল্লীত শাসনলৈ অহাৰ পিচত দলটোৱে পাঞ্জাবত চৰকাৰ গঠন কৰে আৰু আন ৰাজ্যত যথেষ্ট সংখ্যক ভোট লাভ কৰে । যাৰ ফলত আম আদমি পাৰ্টী ৰাষ্ট্ৰীয় দল হৈ পৰে ।
লগতে পঢ়ক :প্ৰথমবাৰৰ বাবে কাৰাগাৰৰ কুঠৰীত জন্মদিন উদযাপন কৰিব কেজৰিৱালে - Delhi liquor scam case
