নেশ্যনেল ডেস্ক, 18 আগষ্ট : যি দল বা পদৰ লগতেই জৰিত নহওক কিয়, ৰাজনীতিত সৰু সৰু বিষয় এটায়ো ডাঙৰ ধুমুহাৰ সৃষ্টি কৰাৰ সম্ভাৱনা থাকে ৷ এনে পৰিস্থিতিত ঝাৰখণ্ডৰ ৰাজনৈতিক ক্ষেত্ৰখনৰ বিশৃংখল পৰিস্থিতিৰ প্ৰভাৱ এতিয়া ছ’চিয়েল মিডিয়াতো দেখা গৈছে ৷
ৰাজ্যখনৰ প্ৰাক্তন মুখ্যমন্ত্ৰী চম্পাই ছোৰেন বৰ্তমান দিল্লীত আছে লগতে তেওঁৰ লগত আৰু বহু বিধায়ক থকাৰ অনিশ্চিত খবৰ আছে ৷ অৱশ্যে দিল্লী পোৱাৰ পিছত চম্পাই ছোৰেনে সংবাদ মাধ্যমৰ আগত কয় যে তেওঁ ব্যক্তিগত কামৰ বাবেহে দিল্লীলৈ আহিছে, তেওঁৰ সন্তান দিল্লীতেই থাকে, সন্তানক লগ কৰিবলৈহে আহিছে বুলি কয় তেওঁ ৷ সেইবাবেই তেওঁ দিল্লীলৈ অহা-যোৱা কৰি থাকে আৰু আজিও দিল্লীলৈ এই কাৰণেই অহা বুলি উল্লেখ কৰে তেওঁ ৷ সাংবাদিকসকলৰ এক প্ৰশ্নৰ উত্তৰত তেওঁ স্পষ্ট কৰি দিয়ে যে তেওঁ কলকাতাত কাকো লগ পোৱা নাই, ব্যক্তিগত কামৰ বাবে দিল্লীলৈ আহিছে ৷
অৱশ্যে চম্পাই ছোৰেনে বিমানবন্দৰত ব্যক্তিগত কামৰ বাবে দিল্লীলৈ আহিছোঁ আৰু পৰৱৰ্তী সময়ত সাংবাদিকক জনাব বুলি কৈছিল ৷ কিন্তু তেওঁৰ কথা সামাজিক মাধ্যমত তেওঁৰ এক্স (টুইটাৰ) হেণ্ডেলৰ সৈতে মিলা নাই ৷ কাৰণ চম্পাই ছোৰেনে ঝাৰখণ্ড মুক্তি মৰ্চাক তেওঁৰ এক্স হেণ্ডেলৰ বায়’ৰ পৰা আঁতৰাই দিছে ৷ এতিয়া তেওঁৰ এক্স হেণ্ডেলৰ বায়’ত, কেৱল Former Chief Minister, Jharkhand অৰ্থাৎ প্ৰাক্তন মুখ্যমন্ত্ৰী, ঝাৰখণ্ড লিখা আছে ৷
এতিয়ালৈকে ৰাজনৈতিক পৰিঘটনা :
ঝাৰখণ্ডত ৰাজনীতি উচ্চ, এই ৰাজনৈতিক বিকাশৰ ভেটি স্থাপন হ’ল যেতিয়া শুকুৰবাৰে মন্ত্ৰী চম্পাই ছোৰেনে চেৰাইকেলাৰ পৰা ৰাঁচীলৈ উভতি আহিছিল ৷ ৰাঁচীত তেওঁ লবিন হেমব্ৰামক তেওঁৰ বাসগৃহত সাক্ষাৎ কৰে ৷ লবিন হেমব্ৰামে স্পষ্টকৈ কৈছে যে চম্পাই ছোৰেনে বিজেপিত যোগদান কৰিব ৷ অৱশ্যে ৰাঁচীত সংবাদ মাধ্যমৰ প্ৰশ্নত তেওঁ কয় যে মই য’তেই আছো তাতেই ভালেই আছো ৷ ইয়াৰ পিছত চম্পাই ছোৰেনে কয় যে তেওঁ নিজৰ টাটাস্থিত বাসগৃহলৈ গৈ আছে ৷
ইয়াৰ পিচতে চম্পাই ছোৰেনে টাটাৰ পৰা কলকাতা হৈ দিল্লীলৈ যোৱাৰ খবৰ সংবাদ মাধ্যমত প্ৰচাৰ হ’বলৈ ধৰিলে ৷ শনিবাৰে পুৱাৰে পৰা এই সন্দৰ্ভত চৰ্চা আৰু জল্পনা-কল্পনাৰে ভৰি পৰিছে ৷ আন একাংশ বিধায়কো চম্পাই ছোৰেনৰ লগত থকা বুলিও জল্পনা-কল্পনাৰ সৃষ্টি হৈছিল ৷ চম্পাই ছোৰেনে দিল্লী বিমানবন্দৰত সংবাদ মাধ্যমৰ সন্মুখত উপস্থিত হৈ দিল্লীলৈ অহাৰ কাৰণ কোৱা নাছিল ৷ এই মুহূৰ্তত এই সকলো প্ৰশ্ন আৰু সকলো বিভ্ৰান্তিৰ অন্ত পৰা নাই যেন অনুমান হৈছে ৷
লগতে পঢ়ক : দিল্লী পালেগৈ চম্পাই ছোৰেণ: গেৰুৱা হ’বলৈ মন মেলিছে নেকি বৰ্ষীয়ান নেতাগৰাকীয়ে ? - JMM leader Champai Soren
