হায়দৰাবাদ : বুধবাৰে পুৱা তেলেংগানাৰ মুলুগুত এক আতংকময় পৰিৱেশৰ সৃষ্টি হয় । কিয়নো ৰিখটাৰ স্কেলত ৫.৩ প্ৰাবল্যৰ ভূমিকম্পই অঞ্চলটো জোকাৰি যায় । লগে লগে অঞ্চলটোত ভয় আৰু আতংকৰ সৃষ্টি হয় । কাৰণ অঞ্চলটোত কেতিয়াবাহে এনে কম্পন অনুভৱ হয় ।
নেচনেল চেণ্টাৰ ফৰ ছিছম'লজীয়ে জনোৱা মতে, ভূমিকম্পটোৰ কম্পন পুৱা ৭.২৭ বজাত অনুভূত হয় । ইয়াৰ গভীৰতা আছিল ভূপৃষ্ঠৰ পৰা ৪০ কিলোমিটাৰ তলত । তেলেংগানা আৰু ওচৰৰ অন্ধ্ৰপ্ৰদেশৰ কেইবা ঠাইতো এই কম্পন অনুভূত হয় । মুলুগু হায়দৰাবাদৰ পৰা প্ৰায় ২১৯ কিলোমিটাৰ দূৰৈত অৱস্থিত ।
অঞ্চলটোৰ বাসিন্দাসকলে পুৱাতেই ইয়াৰ কম্পন অনুভৱ কৰে । অৱশ্যে এতিয়ালৈকে কোনো ক্ষয়-ক্ষতি বা হতাহতৰ খবৰ পোৱা হোৱা নাই । কৰ্তৃপক্ষই পৰিস্থিতি নিৰীক্ষণ কৰি আছে ।
ভাৰতীয় ভূকম্পন কেন্দ্ৰই এটাৰ্নগাৰামৰ অৰণ্যত ইয়াৰ অভিকেন্দ্ৰ চিনাক্ত কৰিছে । অৱশ্যে আমেৰিকাৰ ভূতাত্ত্বিক জৰীপ নিৰীক্ষণ কেন্দ্ৰই জনোৱা মতে, ভূমিকম্পটোৰ অভিকেন্দ্ৰ গোদাৱৰী নদীৰ পাৰত ।
EQ of M: 5.3, On: 04/12/2024 07:27:02 IST, Lat: 18.44 N, Long: 80.24 E, Depth: 40 Km, Location: Mulugu, Telangana.
— National Center for Seismology (@NCS_Earthquake) December 4, 2024
For more information Download the BhooKamp App https://t.co/5gCOtjdtw0 @DrJitendraSingh @OfficeOfDrJS @Ravi_MoES @Dr_Mishra1966 @ndmaindia pic.twitter.com/x6FAg300H5
কোঠাগুডেম, মনুগুৰু, ভদ্ৰাচলম, চাৰ্লা, চিন্তকানি আৰু নাগুলাভাঞ্চা অঞ্চলতো ইয়াৰ কম্পন অনুভৱ কৰা হয় । অন্ধ্ৰপ্ৰদেশৰ বিজয়ৱাড়া আৰু জগ্গায়াপেট চহৰতো কেইছেকেণ্ডমানৰ বাবে কম্পন অনুভৱ হয় ।
'তেলেংগানা ৱেদাৰমেন'ৰূপে খ্যাত বালাজী তাৰিণীৰ মতে, ২০ বছৰৰ মূৰত প্ৰথমবাৰৰ বাবে তেলেংগানাত ইমান শক্তিশালী ভূমিকম্প সংঘটিত হয় । ১৯৯৩ চনৰ ৩০ ছেপ্টেম্বৰত এটা শক্তিশালী ভূমিকম্পই অঞ্চলটোক অন্তিমবাৰৰ বাবে জোকাৰি গৈছিল । ইয়াৰ প্ৰাবল্য আছিল ৬.২ ।
For the first time in last 20years, one of the strongest earthquake occured in Telangana with 5.3 magnitude earthquake at Mulugu as epicentre.
— Telangana Weatherman (@balaji25_t) December 4, 2024
Entire Telangana including Hyderabad too felt the tremors. Once again earthquake at Godavari river bed, but a pretty strong one 😮 pic.twitter.com/RHyG3pkQyJ
তেলেংগানা ভূকম্পন ক্ষেত্ৰ 2-ৰ অন্তৰ্গত (নিম্ন-তীব্ৰতা অঞ্চল)
২০২১ চনত সংসদত এক লিখিত উত্তৰত চৰকাৰে কয় যে দেশত ভূমিকম্পৰ নথিভুক্ত ইতিহাস বিবেচনা কৰি ভাৰতৰ মুঠ ৫৯% ভূমিৰ (ভাৰতৰ সকলো ৰাজ্যক সামৰি) বিভিন্ন তীব্ৰতাৰ ভূমিকম্পৰ সম্ভাৱনা আছে ।
দেশৰ ভূকম্পন ক্ষেত্ৰ মানচিত্ৰ অনুসৰি, এই মুঠ এলেকাটো চাৰিটা ভূমকম্পন জ'নত শ্ৰেণীবদ্ধ কৰা হৈছে । জ'ন ৫ হৈছে ভূমিকম্পৰ দ্বাৰা আটাইতকৈ সক্ৰিয় অঞ্চল । আনহাতে, জ'ন 2 হৈছে আটাইতকৈ কম ভূমিকম্প প্ৰবণ অঞ্চল । দেশৰ প্ৰায় 11% এলেকা পঞ্চম অঞ্চলত, 18% অঞ্চল চতুৰ্থ অঞ্চলত, 30% তৃতীয় আৰু বাকীবোৰ জ'ন 2-ত পৰে ।
ইয়াত ভাৰতৰ গুৰুত্বপূৰ্ণ চহৰ আৰু নগৰসমূহৰ এখন তালিকা দিয়া হৈছে, যিবোৰ চতুৰ্থ আৰু পঞ্চম উচ্চ ভূমকম্পন অঞ্চলৰ অন্তৰ্গত ।
ভূ-বিজ্ঞান মন্ত্ৰণালয়ৰ অধীনস্থ ৰাষ্ট্ৰীয় ভূকম্পন কেন্দ্ৰ হৈছে ভাৰত চৰকাৰৰ নোডেল এজেঞ্চী । ই দেশৰ ভিতৰত আৰু বাহিৰত ভূমিকম্প নিৰীক্ষণ কৰে । এই উদ্দেশ্যৰ বাবে এন চি এছে সমগ্ৰ দেশত বিয়পি থকা 115 টা পৰ্যবেক্ষণালয়ৰে গঠিত এক ৰাষ্ট্ৰীয় ভূকম্পন নেটৱৰ্ক (এন এছ এন) সৃষ্টি কৰিছে ।
