اسٹیل کے ڈبے میں پھنسی بلی کا مزاحیہ ویڈیو سوشل میڈیا پر وائرل

بلی کا ایک مزاحیہ ویڈیو سوشل میڈیا پر وائرل ہو رہا ہے۔ دودھ پیتے ہوئے بلی کا سر اسٹیل کے ڈبے میں اس وقت پھنس گیا جب بلی کوٹھی بازار علاقہ میں رہائش پذیر سندیپ مشرا کے گھر پر دودھ پی رہی تھی۔ دودھ پینے کے بعد جب بلی کا سر ڈبے سے باہر نہیں نکل سکا تو بلی کمرے میں ادھر ادھر دیواروں سے اپنے سر کو ٹکراتی رہی لیکن تمام کوششوں کے بعد بھی جب بلی کا سر ڈبے سے نہ نکلا تو آخر کار سندیپ مشرا اور آنند چوکسے نے اپنی سمجھداری کا مظاہرہ کرتے ہوئے سخت محنت کے بعد بلی کا سر اسٹیل کے ڈبے سے باہر نکالنے میں کامیاب رہے۔ اس مزاحیہ نظارے کو دیکھنے کے لیے گھر میں لوگوں کا ہجوم تھا۔ اس دوران لوگوں نے ویڈیو بنا کر سوشل میڈیا پر شیئر کردیا جو کہ وائرل ہوگیا۔