سری نگر: جمی ڈل جھیل نے شکارا مالکان کی بڑھائی مشکلیں

سرینگر:جموں و کشمیر کے گرمائی دارالحکومت سری نگر میں جمعرات کو کم سے کم درجہ حرارت صفر سے کئی ڈگری نیچے ریکارڈ کیا گیا۔ خشک موسم اور شدید سردی کے باعث شکارا مالکان کو سیاحوں کو منجمد ڈل جھیل تک لے جانے میں کافی مشکلات کا سامنا کرنا پڑ رہا ہے۔ شکارا کے مالکان بتاتے ہیں کہ سردیوں کے موسم میں جمی ہوئی جھیل کے درمیان شکارا کے لیے راستہ بنانا کتنا مشکل ہے۔ کشمیر اس وقت 'چلئی کلاں' کی گرفت میں ہے۔ ان 40 دنوں تک وادی کشمیر میں موسم سب سے سرد رہتا ہے۔ اس دوران سردی کی لہر اپنے عروج پر رہتی ہے اور درجہ حرارت کافی گر جاتا ہے۔ محکمہ موسمیات کے مطابق اس سال کشمیر طویل خشک موسم سے گزر رہا ہے۔ دسمبر میں بارشوں میں 79 فیصد کمی ہوئی ہے۔ کھلے آسمان کی وجہ سے سری نگر سمیت بیشتر علاقوں میں کم سے کم درجہ حرارت مزید گر گیا ہے۔