Benefits of Zinc زنک سے بھرپور خوراک صحت کے لیے فائدہ مند

زنک ایک ایسا منرل ہے جس کی ہمارے جسم کو بہت ضرورت ہوتی ہے، اس کی کمی کئی مسائل کا باعث بن سکتے ہے، اس لیے خوراک میں زنک کو شامل کرنا ضروری ہوتا ہے۔

حیدرآباد: ہمارے جسم کو صحت مند رکھنے کے لیے بہت سے غذائی اجزا کی ضرورت ہوتی ہے، اگر ان میں سے کسی ایک کی بھی کمی ہو جائے تو صحت کو نقصان پہنچ سکتا ہے۔ ان میں سے ایک زنک ہے، جس کی وجہ سے جسم کو بہت سے فوائد حاصل ہوتے ہیں، جیسے کہ بلڈ شوگر لیول کو کنٹرول کرنا، قوت مدافعت بڑھانا، زخموں کو ٹھیک کرنا وغیرہ۔ اس حوالے سے غذائیت کے ماہرین بتاتے ہیں کہ زنک کی کمی سے ہمارے جسم میں کون سی تبدیلیاں آتی ہیں اور اس ضرورت کو پورا کرنے کے لیے ہمیں کن غذا کو خوراک میں شامل کرنی چاہئے۔

ان چیزوں کو کھانے سے آپ کو زنک ملے گا

تربوز کے بیج

عام طور پر ہم تربوز بڑے شوق سے کھاتے ہیں لیکن اکثر اس رسیلے پھل کے بیج کو کوڑے دان میں پھینک دیتے ہیں لیکن اگر آپ کو اس کے فوائد معلوم ہوں تو آپ ایسا بالکل نہیں کریں گے۔ اس پھل کے بیج میں زنک بہت زیادہ پایا جاتا ہے۔ جس کی وجہ سے قوت مدافعت میں اضافہ ہوتا ہے اور بلڈ شوگر لیول بھی برقرار رہتا ہے۔ اس کے لیے تربوز کے بیجوں کو دھو کر دھوپ میں خشک کریں اور اپنی خوراک میں شامل کریں۔

لہسن

لہسن ایک ایسا مصالح ہے جو بھارت کے گھروں میں بننے والے کھانے میں کثرت سے استعمال کیا جاتا ہے۔ اس میں زنک، وٹامن اے، وٹامن بی اور وٹامن سی کے علاوہ کیلشیم، میگنیشیم، آیوڈین، آئرن اور پوٹاشیم کثیر مقدار میں پائے جاتے ہیں۔ خیال رہے کہ لہسن کا اثر گرم ہوتا ہے اس لیے گرمی کے موسم میں اسے محدود مقدار میں کھایا جائے۔

انڈے کی زردی

انڈا ایک ایسی چیز ہے جسے ہم اکثر اپنے خوراک میں شامل کرتے ہیں۔ لیکن خاص طور پر جم جانے والے لوگ اس کا پیلا حصہ یعنی زردی کھانے سے گریز کرتے ہیں، لیکن آپ کو بتادیں کہ زردی زنک کا بھرپور ذریعہ ہے، اس میں زنک کثیر مقدار میں پایا جاتا ہے۔ وٹامن بی 12، تھامین، وٹامن بی 6، فولیٹ، پینتھونک ایسڈ، کیلشیم، آئرن اور فاسفورس بھی انڈے کی زردی میں پائے جاتے ہیں۔