World Population Growth دنیا کی آبادی آج 8 بلین ہوگئی

اقوام متحدہ کے مطابق 15 نومبر کو دنیا کی آبادی 8 ارب کے اعداد و شمار کو عبور کر لے گی۔ ورلڈ پاپولیشن پراسپیکٹس 2022 کی رپورٹ کے مطابق سال 2080 کے آس پاس دنیا کی آبادی اپنے عروج پر ہوگی۔ World population to reach 8 billion tomorrow

حیدرآباد: 15 نومبر 2022 کو دنیا کی کل آبادی 8 ارب تک پہنچ جائے گی۔ اقوام متحدہ کی جانب سے جاری ایک رپورٹ کے مطابق، عالمی یوم آبادی کے موقع پر جاری ہونے والی ایک رپورٹ میں کہا گیا ہے کہ بھارت 2023 میں دنیا کا سب سے زیادہ آبادی والا ملک چین کو پیچھے چھوڑ دے گا۔ اقوام متحدہ کے مطابق 2011 میں دنیا کی آبادی سات ارب تک پہنچ گئی تھی۔ World population to reach 8 billion tomorrow

فی الحال (2015 تا 2020) کے درمیان پیدائش کی کل تعداد 140 ملین سالانہ جب کہ 2040 تا 2045 تک 141 ملین تک آبادی کا بڑھنے کا امکان ہے۔ فی الحال اموات کی کل تعداد 57 ملین ہے اور سالانہ 121 ملین تک بڑھنے کا تخمینہ ہے۔ اقوام متحدہ کے مطابق دنیا کی کل آبادی پہلی بار 1804 میں ایک ارب تک پہنچی تھی جب کہ 123 سال بعد 1927 میں دو ارب تک پہنچی تھی، تاہم 1960 میں اسے تین ارب تک پہنچنے میں صرف 33 سال لگے۔ World population to reach 8 billion tomorrow

مزید پرھیں

1974 تک یہ صرف 14 سالوں میں چار ارب تک پہنچ گئی، 1987 میں آبادی صرف 13 سال میں پانچ ارب تک پہنچ گئی، 1999 میں صرف 12 سال میں چھ ارب اور 2011 میں یعنی 12 سال میں سات ارب تک پہنچ گئی تھی۔ اقوام متحدہ کے مطابق 2022 میں صرف 11 سال میں آبادی سات سے آٹھ ارب تک پہنچ گئی ہے۔ اقوام متحدہ کے سیکرٹری جنرل انتونیو گوٹیرس نے کہا کہ دنیا کی آٹھ ارب آبادی ایک عددی سنگ میل ہے لیکن ہماری توجہ ہمیشہ لوگوں پر مرکوز ہونی چاہیے۔ اس کا مطلب یہ ہے کہ ان کی صحت، تعلیم وغیرہ پر خصوصی توجہ دی جانی چاہیے۔''