'آئی لیگ میں کامیابی حاصل کرنا اولین مقصد'

محمڈن اسپورٹنگ کلب کے جنرل سکریٹری شیخ محمد وسیم اکرم کا کہنا ہے کہ آئی لیگ میں کوالیفائی کرنے پر خوشی ہے، لیکن اصل امتحان اب ہوگا۔

بھارتی فٹ بال کی تاریخی کلب محمڈن اسپورٹنگ کے کوالیفائی کرنے پر جشن کا سلسلہ جاری ہے۔ محمڈن اسپورٹنگ کے جنرل سکریٹری شیخ وسیم اکرم نے نامہ نگاروں سے بات چیت کرتے ہو ئے کہا کہ ملک کے سب سے بڑے ٹورنامنٹ میں کھیلنے کا اعزاز حاصل کرنے سے ہی کام ختم نہیں ہو جاتا ہے۔ انہوں نے کہا کہ اصل کام ابھی شروع ہوا ہے۔

بھارتی فٹبال کی تاریخ محمڈن اسپورٹنگ کے بغیر ادھوری ہے۔ کلب کے جنرل سکریٹری نے کہا کہ پہلے آئی لیگ میں کوالیفائی کرنا ہمارا اولین مقصد تھا، لیکن اب ہمارے سامنے چمپئین کلب انڈیا بننے کا ہدف ہے۔

شیخ وسیم اکرم نے کہا کہ آئی لیگ کے لئے مضبوط ترین ٹیم بنانے کی کوشش کریں گے تاکہ آئی لیگ کی ٹرافی جیت سکیں۔

انہوں نے کہا کہ ایسٹ بنگال اور موہن بگان کے انڈین سپر لیگ میں کھیلنے کی وجہ سے محمڈن اسپورٹنگ کی ٹیم اس مرتبہ آئی لیگ میں بنگال فٹبال کی نمائندگی کرے گی۔

محمڈن اسپورٹنگ ایک فین فالوینگ کلب ہے۔ ایسٹ بنگال اور موہن بگان کے شیدائی بھی سیاہ سفید جرسی والی ٹیم کی حمایت کریں گے۔

واضح رہے کہ محمڈن اسپورٹنگ کی ٹیم سات برسوں آئی لیگ کے لئے کوالیفائی کیا ہے۔ محمڈن گر وپ چمپئن کی ٹیم سے حیثیت سے مین ڈرا میں کوالیفائی کیا۔