ہمت ہے تو نام لے کر بات کریں، ابھیشک کا بی جے پی کو چیلنج

ترنمول کانگریس کے رکن پارلیمان ابھشیک بنرجی نے بی جے پی کو نام لے کر الزام تراشی کرنے کا چیلنج دیا۔ مغربی بنگال میں گزشتہ چند دنوں بی جے پی کے رہنما ترنمول کانگریس کے رکن پارلیمان اور یوتھ صدر ابھیشک بنرجی کا نام لئے بغیر مختلف بدعنوانی کے الزام لگاتے رہے ہیں۔

بی جے پی کے سابق قومی صدر اور موجودہ وزیر داخلہ امت شاہ، بی جے پی کے موجودہ صدر جے پی نڈا، کیلاش وجے ورگھیہ، بی جے پی کے ریاستی صدر دلیپ گھوش اکثر و بیشتر وزیراعلی ممتابنرجی کے بھتیجے (بھائی پو) ابھیشک بنرجی کا نام لئے بغیر ہدف تنقید بناتے رہے ہیں۔

بی جے پی کے رہنما نام لئے بغیر ابھیشک بنرجی پر جانوروں، کوئلہ اور بالی کے اسمگلنگ جسے متعدد الزامات عائد کرتے رہے ہیں۔

مغربی بنگال کے جنوبی 24 پرگنہ کے بج بج علاقے میں جلسے کو خطاب کرتے ہوئے کہا کہ سیاست سیاست ہوتی ہے۔ اس میں الزام تراشی عام بات ہے، لیکن ذاتی زندگی پر کیچڑ اچھالنا قابل مذمت ہے۔

انہوں نے کہا کہ گزشتہ کئی ہفتوں سے چند لوگ وزیراعلیٰ کا بھائی پو(بھتیجا) کو لے کر تنقید کرتے ہیں۔ ان سے ایک سوال کرتا ہوں کہ آخر کون ہے یہ بھائی پو (بھتیجا)۔

ابھیشک بنرجی نے کہا کہ اگر کسی میں ہمت ہے تو وزیراعلیٰ ممتابنرجی کے بھائی پو (بھتیجا) کا نام لے کر بات کریں تب پتہ چلے گا کہ کون بدعنوانی میں ملوث ہے؟

ترنمول کانگریس کے یوتھ صدر نے کہا کہ ترنمول کانگریس اسمبلی انتخابات جیتنا جانتی اور انتخابی تہواروں میں بول بچن رہنماوں سے نمٹنا بھی۔

شھبندو ادھکاری کو ہدف تنقید بناتے ہوئے کہا کہ میں پیراشوٹ سے نیچے نہیں آیا ہوں۔ میں عام رہنماوں کی طرح سیاست کی دنیا میں اپنی پہچان بنانے کی جدوجہد کرتا ہوں۔

انہوں نے کہا کہ اگر مجھے لیفٹ کے ذریعہ اوپر اٹھنا رہتا تو آج میں 35 اداروں کا سربراہ رہتا، لیکن مجھے کسی نے حمایت نہیں کی۔

ابھیشک بنرجی کا کہنا ہے کہ شھبندو ادھکاری کو ممتا بنرجی نے بہت کچھ دیا لیکن مجھے کچھ بھی نہیں۔