مغربی بنگال کے جنوبی 24 پر گنہ کے بنستی تھانہ علاقے میں آدن میں عامر علی خان نام کے ایک ترنمول کانگریس کے رہنما کو نامعلوم افراد نے گولی مار کر قتل کردیا۔
نامعلوم افراد واردات کو انجامد ینے کے بعد فائرنگ کرتے ہوئے موٹر سائیکل پر سوار ہو کر فرار ہو گئے ۔اس واقعے کے بعد علاقے میں سنسنی پھیل گئی ۔
بنستی تھانے کی پولیس نے جائے وقوع پر پہنچ کر تفتیش شروع کردی۔ متوفی کی لاش کو پوسٹ مارٹم کے لئے بھیج دیا ہے ۔ اس واقعے میں ایک اور شخص زخمی ہو ا ہے۔
پولیس کاکہنا ہے کہ نامعلوم افراد کی فائرنگ میں ہلاک ہونے والے شخص کی شناخت عامر علی خان کے طور پر ہوئی ہے ۔وہ ترنمول کانگریس کا رہنما تھے۔
پولیس نے مزیدکہاکہ پورے معاملے کی تفتیش کی جارہی ہے ۔ اب تک کسی کی گرفتاری عمل میں نہیں آ ئی ہے۔اس واردات میں ملوث میں شامل افراد کی تلاش جا ری ہے۔
ذرائع کے مطابق ترنمول کانگریس کے دوگروہوں کے درمیان جھڑپ کے دوران عامر علی خان گولی لگنے سے موت ہوئی ہے ۔
بسنتی تھانہ علاقے میں گزشتہ چند دنوں سے ترنمول کانگریس کے دو گروہوں کے درمیان جھڑپوں کا سلسلہ جاری ہے۔