بارکپور میں بی جے پی دفتر میں توڑ پھوڑ

جگتدل۔بھاٹ پارہ میونسپلٹی علاقے میں بی جے پی دفتر میں کل شام توڑ پھوڑ کیے جانے کی وجہ سے ایک بار پھر ماحول خراب ہوگیا ہے۔

مغربی بنگال کے شمالی 24 پرگنہ کے بھاٹ پارہ علاقے میں لوک سبھا انتخابات کے بعد سے ہی سیاسی تشدد کے واقعات رونما ہورہے ہیں۔

ارجن سنگھ جو چار مرتبہ ترنمو ل کانگریس کے ٹکٹ پر بھاٹ پارہ اسمبلی حلقے سے ممبر اسمبلی منتخب ہوتے تھے مگر لوک سبھا انتخابات کے وقت وہ بی جے پی میں شامل ہوگئے اور بارکپور لوک سبھا حلقے سے ممبر پارلیمنٹ منتخب ہونے میں کامیاب ہوگئے اس کے بعد یہ علاقہ سیاسی تشدد کی وجہ سے سرخیوں میں ہے۔

مقامی لوگوں نے الزام عاید کیا ہے کہ ترنمول کانگریس کے کاؤنسلر بسواناتھ گھوش اس کے پیچھے ہیں۔

دوسری جانب ترنمول کانگریس نے الزام عاید کیا ہے بی جے پی کاؤنسلر سونیتا بسواس اور اس کے دوست سرت سوئی نے حالی شہروارڈ نمبر 12میں توڑ پھوڑ کی ہے۔

بیجا پور پولس اسٹیشن کے افسران موقع پر پہنچ کر حالات کو کنٹرول کیا ہے مگر اب تک ان واقعات میں کسی کی بھی گرفتاری نہیں ہوئی ہے۔

بی جے پی نے الزام عاید کیا ہے کہ ضمنی انتخابات کے نتائج کا اعلان ہونے کے بعد سے اب تک بارکپور لوک سبھا حلقے میں ترنمول کانگریس نے چاردفاترپر قبضہ کرلیا ہے۔