مغربی بنگال میں سیاسی سرگرمیوں کے درمیان ترنمول کانگریس چھوڑ کر بی جے پی میں شامل ہونے والے شُھبندو ادھیکاری نے اچانک راج بھون پنہچ کر گورنر جگدیپ دھنکر سے ملاقات کی۔
گورنر جگدیپ دھنکر اور بی جے پی رہنما شُھبندو ادھیکاری کے درمیان ہونے والی ملاقات سیاسی حلقوں زیر بحث ہے اور اس تعلق سے افواہوں کا بازار بھی گرم ہے۔
گورنر جگدیپ دھنکر نے کہا کہ 'شُھبندو ادھیکاری راج بھون آکر ملاقات کی لیکن وہ سیاسی رہنما نہیں بلکہ جوٹ کارپوریشن آف انڈیا لیمیٹیڈ کے چیئرمین کی حیثیت سے آئے تھے۔
گورنر نے ٹویٹ کرتے ہوئے کہا کہ 'شُھبندو ادھیکاری سے ملاقات اچھی رہی۔ ملاقات کے دوران کئی اہم موضوع پر تبادلہ خیال کیا گیا۔
انہوں نے کہا کہ 'ہاں میں اتنا ضرور کہہ سکتا ہوں کہ شُبھندو ادھیکاری سے ملاقات کے دوران سیاست چھوڑ کر تمام موضوعات پر گفتگو ہوئی۔
بی جے پی رہنما اور جوٹ کارپوریشن آف انڈیا لیمیٹیڈ کے چیئرمین شھبندو ادھیکاری نے کہا کہ سنہ 1971 میں جے سی آئی ایل کی بنیاد ڈالی گئی تھی۔ یہ وہ دور تھا جب مغربی بنگال سونار بنگلہ کہلاتا تھا۔ جوٹ صنعت ریاست مغربی بنگال سمیت پوری دنیا میں مشہور تھی۔
انہوں نے کہا کہ گورنر جگدیپ دھنکر سے ملاقات کا مقصد تھا کہ جوٹ صنعت کو ایک بار پھر سے سنہرے دور میں واپس لے جانے کی کوشش کی جائے گی۔
