انہوں نے الزام عائد کیا کہ 'حکومت پولیس کی مدد سے متعدد جگہوں پر بھارت ماتا کی پوجا کو رکوانے کی کوشش کر رہی ہے۔ ترنمول کانگریس اگر وہ خود اپنی غلطیوں کا ازالہ نہیں کرتی ہے تو اب ہم ان کے گھر پاکستانی پرچم بھیجنا شروع کریں گے۔'
یوم آزادی کے موقع پر ہاوڑہ ضلع کے بنگال باسی مختلف مقامات پر بی جے پی کی جانب سے بھارت ماتا پوجا کا اہتمام کیا گیا تھا۔ اس میں دلیپ گھوش نے شرکت کی ۔ اس دوران انہوں نے دھمکی آمیز لہجے میں کہا کہ 'ترنمول کانگریس اگر خود کی غلطیوں کا ازالہ نہیں کرتی ہے تو ان کے گھروں میں پاکستانی پرچم بھجیا جائے گا۔'
انہوں نے اپنے فیس بک پیج پر بھارت ماتا پوجا میں شرکت کی تصویر شیئر کرتے ہوئے لکھا کہ 'پاکستانی پرچم ہر ترنمول کانگریس کے رہنماؤں اور حامیوں کے گھر بھیجا جائے گا۔ اس کے بعد سوشل میڈیا پران کا یہ پوسٹ موضوع بحث بنا ہوا ہے۔'
بی جے پی کی اس بھارت ماتا پوجا کو لیکر کئی جگہوں پر ہنگامے ہوئے۔ بی جے پی کی طرف سے پولیس پر پوجا روکنے کے الزامات بھی لگائے گئے ہیں۔ اس سلسلے میں شیب پور تھانہ میں بی جے پی کے ایک رہنما کو روک کر رکھا گیا۔ کونا میں ترنمول کانگریس کے خلاف بھارت ماتا کی مورتی توڑنے کا بھی الزام لگا ہے. دلیپ گھوش نے کہا ہے کہ بھارت ماتا کی بے عزتی برداشت نہیں کی جائے گی۔
