مغربی بنگال کی حکمراں جماعت ترنمول کانگریس کے جنرل سکریٹری پارتھو چٹرجی نے وزیر خزانہ نرمیلا سیتا رمن پر تنقید کرتے ہوئے کہاکہ کئی دہائی بعد مایوس کن بجٹ پیش کیا گیا ہے۔
انہوں نے کہاکہ بجٹ کے بارے میں کچھ بھی کہا نہیں جا سکتا ہے۔ اس بجٹ سے عوام کو نقصان ہو سکتا ہے۔ یو ں کہنا بہتر ہو گا کہ عوام مخالف بجٹ ہے۔
پارتھو چٹر جی نے کہاکہ بجٹ میں ہے کیا۔ کچھ نہیں ۔ لوگوں کو بڑی دشواریوں کا سامنا کرناپڑے گا۔ حکومت نے جو پالیسی اپنا ئی ہے۔ اس سے عوام کے ساتھ ساتھ ملک کو بھی نقصان ہو سکتا ہے۔
ترنمول رہنما کا مرکزی حکومت پر تنقید ترنمول کانگریس کے جنرل سکریٹری نے کہاکہ بی جے پی کی قیادت والی مرکزی حکومت نے ملک کے تمام اہم اداروں کو فروخت کرنے کی پالیسی اپنا رکھی ہے۔
انہوں نے کہا مرکزی حکومت کی اس پالیسی ملک کو مستقبل میں زبردست مالی نقصان کا سامنا کرنا پڑ سکتا ہے۔
وزیرتعلیم نے کہاکہ اس سے پہلے بھی کئی حکومتیں آ ئی ہیں۔ انہوں نے تو کبھی بھی منافع بخش اداروں کو نجی کمپنیوں کے ہاتھوں فروخت کرنے کا کبھی کوئی فیصلہ نہیں کیا ہے۔
انہوں نے کہاکہ بی جے پی کی قیادت والی مرکزی حکومت ملک کے نوجوانوں کو نوکری کیا دے گی ۔ اب تو نوجوانوں سے نوکریاں چھین لی جا رہی ہے۔ ملک میں بے روزگاری میں زبردست اضا فہ ہوا ۔
لیکن بی جے پی کی قیادت والی مرکزی حکومت کے پاس مذہب کے نام پر سیاست کرنے اور ایک مخصوص طبقے کو پریشان کرنے کے علاوہ کوئی اور کام نہیں رہ گیا ہے ۔
انپوں نے کہاکہ ایسا لگتا ہے کہ عوام کو بی جے پی کے اصل چہرے کا پتہ چل چکا ہے اور اس کا نتیجہ بہت جلد سامنے آنے والا ہے۔ سب کوپتہ چل جائے گا کہ مذہب کی سیاست سے کس کو کتنا نقصان ہونے والا ہے
