مغربی بنگال کے وزیر رابندر دیب نے ناراضگی کا اظہار کرتے ہوئے کہا کہ 'بی جے پی کی قیادت والی مرکزی حکومت سے اس سے زیادہ امید بھی نہیں کرسکتے ہیں۔'
انہوں نے کہا کہ 'ایسٹ ویسٹ میٹرو کوریڈورکی افتتاحی تقریب کوئی عام تقریب نہیں ہے۔ اس میں وزیر اعلیٰ ممتا بنرجی کو نظر انداز کرنے کا مطلب بی جے پی سیاسی انتقام پر اتر آ ئی ہے۔'
'بی جے پی سے اس سے زیادہ امید نہیں کرسکتے ہیں' ریاستی وزیر نے کہا کہ 'وزیر اعلیٰ کو مدعو نہ کرنا بالکل غلط ہے۔ اس کا اثر ریاستی بی جے پی پر پڑے گا۔ بی جے پی کو کیا لگتا ہے کہ وہ ریاستی وزیر اعلیٰ کو اس طرح نظر انداز کر دے گی۔'
انہوں نے کہاکہ بی جے پی کی قیادت والی مرکزی حکومت ملک میں آمرانہ حکومت چلا رہی ہے۔ اس سے مغربی بنگال کوہی نہیں بلکہ پورے ملک کو نقصان ہو گا۔
ریاستی وزیر نے کہاکہ دہلی اسمبلی انتخابات میں بی جے پی کو سبق سکھا یا گیا ۔ آئندہ دیگر ریاستوں میں ہونےو الے انتخابات میں بھی بی جے پی کو شکست کا سامنا کرنا پڑے گاکیوں وہ آمرانہ پالیسی اختیار کرچکی ہے۔
'بی جے پی سے اس سے زیادہ امید نہیں کرسکتے ہیں' انہوں نے کہاکہ دہلی کے عوام نے بی جے پی کو آئینہ دیکھایا ہے اور مغربی بنگال کے عوام کی باری ہے کہ وہ نفرت کی سیاست کرنےو الوں کے ساتھ کیسا سلوک کرتے ہیں
واضح رہے کہ ایسٹ ویسٹ میٹرو کویڈور کے افتتاحی تقریب کے اشتہار میں مغربی بنگال کی وزیر اعلیٰ ممتابنرجی کانام شامل نہیں کیا گیا ہے۔
ایسٹ ویسٹ میٹرو کوریڈور کے افتتاحی تقریب میں وزیر اعلی ممتا بنرجی کو مد نہیں کیے جانے پرحکمراں جماعت نے برہمی کا اظہار کیا ہے ۔
دوسری طرف ایسٹ ویسٹ میٹرو کوریڈور کی افتتاحی تقریب کے لئے جاری اشتہار میں وزیر اعلیٰ ممتابنرجی کے نام شامل نہیں کئے جانے پر حکمراں جماعت ترنمول کاے اراکان اسمبلی اور اراکین پارلیمان نے اس تقریب کے بائیکاٹ کرنے کا اعلان کیا ہے
