ضروری کام کے علاوہ کسی اور سرگرمیوں کی اجازت نہیں ہوگی۔ اس سے قبل شام 6 بجے سے صبح 8 بجے تک گھر سے بلاضرورت نکلنے پر پابندی عائد تھی۔
مغربی بنگال کی وزیر اعلیٰ ممتا بنرجی کی ہدایت کے باوجود کولکاتا کی سڑکوں پر حسب ضرورت پرائیوٹ بسیں اور منی بسیں سڑک پر نہیں اتری ہیں۔
بس اور منی بس مالکان کی ایسوسی ایشن کرایے میں اضافے کے مطالبے کو لے کرمحکمہ ٹرانسپورٹ سے کئی میٹنگ کرچکی ہے۔منگل کی میٹنگ میں فیصلہ کیا گیا کہ ریگولیٹری کمیٹی نجی بسوں کے کرایہ سے متعلق فیصلہ کرے گی۔
مغربی بنگال بس و منی بس مالکان ایسوسی ایشن کے جنرل سکریٹری پردیپ نارائن باسو نے کہا کہ بسیں اور منی بسیں اس وقت پرانے کرایے پر چل رہی ہیں۔
جمعرات سے ایک ہزار سے زیادہ پرائیوٹ بسیں اور منی بسیں چلنی شروع ہوگئی ہیں۔ باقی بسیں مرحلہ وار چلیں گی۔ دو مہینے سے بسیں بند تھیں، اس کی وجہ سے بسوں کی مرمت کی ضرورت ہے اس کے علاوہ بہت سے ڈرائیور ضلع سے کلکتہ نہیں آپارہے ہیں کیونکہ لوکل ٹرینیں نہیں چل رہی ہیں۔