'ممتا کے لئے دوبارہ اقتدار میں آنا مشکل'

بی جے پی کے رکن پارلیمان اور ریاستی صدر دلیپ گھوش کا کہنا ہے کہ 'ممتابنرجی کے لئے دوبارہ اقتدار حاصل کرنا ناممکن ہو گیا ہے۔ لوگوں میں ان کی مقبولیت میں کمی آئی ہے۔'

مغربی بنگال بھارتیہ جنتا پارٹی کے صدر دلیپ گھوش نے کہا کہ 'ممتابنرجی کے لئے سیاست اب مشکل ہوتی جا رہی ہے۔ ان کے لئے دوبارہ اقتدار میں آنا اب نا ممکن ہو گیا ہے۔'

انہوں نے کہا کہ 'دہلی اسمبلی انتخابات میں شکست کا مطلب یہ نہیں ہے کہ بنگال میں بھی ہمیں شکست کا سامنا کرنا پڑے گا۔ ایسا کبھی نہیں ہوگا۔'

بی جے پی کے رکن کاکہنا ہے کہ ممتا بنرجی نے مغربی بنگال کے عوام کے لئے کیا کیا ہے۔ بجٹ بھی فرضی اور انتخابات کو مدنظر پیش کیا گیا ہے۔ اس سے عوام کو کوئی گائدہ نہیں ہوگا۔

بی جے پی کے رہنما کاکہنا ہے کہ گزشتہ لوک سبھا انتخابات میں بھارتیہ جنتاپارٹی نے شاندار کار کردگی کامظاہرہ کیا تھا ۔ آئندہ سال 2021 میں ہونےو الے اسمبلی انتخابات میں بھی شاندار کارکردگی کی امید ہے۔

'ممتا کے لئے دوبارہ اقتدار میں آنا مشکل'

انہوں نے کہاکہ مغربی بنگال کے عوام بی جے پی کو اکثریت دلانے میں اہم رول ادا کریں گے۔ ہم بھی حکومت بنانے کے لئے تیار ہیں۔ ہمیں عوام کی حمایت حاصل ہے ۔

بی جے پی کے ریاستی صدر کاکہنا ہے کہ سچائی یہ ہے کہ بی جے پی کو ریاست کے 108 اسمبلی حلقوں میں سبقت حاصل ہے ۔ اس بنیاد پر ہمیں کامیابی ملے گی اور حکومت ہماری بنے گی۔

انہوں نے کہاکہ مغربی بنگال میں ہماری حکومت بننے کے بعد ریاست میں ترقی کی نئی شروعات ہوگی ۔ تمام لوگوں کو یکساں حقوحق حاصل ہوں گے لیکن ہم این آ رسی نافذ کریں گے۔