بنگال بی جے پی کے صدر کی ممتابنرجی پرنکتہ چینی

ریاستی بی جے پی کے صدر اور رکن پارلیمان دلیپ گھوش نے وزیر اعلیٰ ممتابنرجی کی کوروناوائرس سے نمٹنے کی حکمت عملی پرتنقید کی ہے۔

ایک ایسے وقت میں جب پورا ملک کورونا وائرس کے خلاف جد وجہد کرنے میں مصروف ہے تومغربی بنگال بی جے پی نے سیاست کرتے ہوئے کہا ہے کہ وزیراعلیٰ ممتا بنرجی روزانہ سڑکوں پر نکل رہی ہیں اور اس کی وجہ سے لاک ڈاؤن کی خلاف ورزی ہورہی ہے اور ان سے بات کرنے والوں کی بڑی بھیڑ ہوتی ہے ۔

بنگال بی جے پی کے صدر کی ممتابنرجی پر تنقید

خیال رہے کہ وزیراعلیٰ ممتا بنرجی نے تین دن قبل ریاست کے تمام بڑے اسپتالوں کا دورہ کرکے کورونا وائرس کی نمٹنے کی تیاریوں کا جائزہ لیا ۔

وزیر اعلی نے ڈاکٹروں سے بھی بات چیت کی اور ان کی حوصلہ افزائی کرتے ہوئے کہاکہ حکومت ان کےساتھ ہیں اور کسی بھی قسم کی پریشانی انہیں نہیں ہونے دی جائےگی ۔

بنگال بی جے پی کے صدر کی ممتابنرجی پر تنقید

اس کے بعد ممتا بنرجی کلکتہ کے ہول سیل مارکیٹ کا دورہ کرکے سامان کے قلت دور کرنے کی کوشش کی اور تاجر ایسوسی ایشن کے نمائندوں سے بات چیت کرتے ہوئے کہا کہ کسی بھی قسم کی غذائی قلت نہیں ہونی چاہیے۔

کل وزیراعلیٰ ممتا بنرجی نے کالی گھاٹ اور علی پور میں فٹ پاتھ اور رکشہ چالکوں کے درمیان غذائی پیکٹ تقسیم کیا ۔

دلیپ گھو ش نے کہا کہ ممتا بنرجی غیر ضروری طور پر سڑکوں پر آرہی ہیں۔ماسک اور کھانا تقسم کرنے کا کام افسران کا ہے ۔مگر وہ تقسیم کررہی ہیں ۔اگر ممتا سڑک پر اترتی ہیں تو سیکڑوں لوگ انہیں دیکھنے کے لئے جمع ہوجاتے ہیں۔ وہ بازاروں میں جاتی ہیں اور لوگوں کی شکایات سنتی ہیں۔

ظاہر ہے کہ ان سے بات کرنے کیلئے بھیڑ جمع ہوجائے گی تولاک ڈاؤن کیسے کامیاب ہوگا؟

انہوں نے کہا کہ کورونا انفیکشن اتنا مہلک ہے کہ ترقی یافتہ ممالک قبرستانوں میں تبدیل ہو رہے ہیں۔ یہ جانتے ہوئے وزیراعلی لوگوں سے مل رہی ہیں۔

لاک ڈاؤن کو مذہبی رنگ دینے کی کوشش کرتے ہوئے کہا ہے کہ جن علاقوں میں مسلمان آباد ہیں وہاں لاک ڈاؤن پر عمل نہیں ہورہا ہے ۔اس پر توجہ دینے کی ضرورت ہے ۔

انہوں نے دعویٰ کیا کہ بنگال میں بی جے پی کے کارکنان لوگوں کے درمیان کھانا تقسیم کررہے ہیں ۔