مغربی بنگال بھارتیہ جنتاپارٹی کے صدر دلیپ گھوش نے کہاکہ وزیر اعلیٰ ممتابنرجی کو ایسٹ ویسٹ میٹرو کوریڈور کی افتتاحی تقریب میں کیوں بلا جائے گا۔
انہوں نے کہاکہ ایسٹ ویسٹ میٹرو کوریڈور مرکزی ریلوے کا پروجیکٹ ہے ۔ مرکزی ریلوے ہی فیصلہ کرے گی کہ تقریب میں کس کو بلا نا ہے اور کس کو نہیں ۔
'ممتا کی دیدی گری ہرجگہ نہیں چلے گی' بی جے پی کے رکن پارلیمان کاکہنا ہے کہ ایسٹ ویسٹ میٹرو کوریڈور کی افتتاحی تقریب میں مرکزی ریلوے وزیر پیوش گوئل او ر وزیر مملکت بابل سپریو کے علاوہ ترنمول کانگریس کی رکن پارلیمان کاکولی گھوش دستدار اور رکن اسمبلی، چئیرمین وغیرہ کو مدعو کیا گیا۔
بی جے پی کے رہنما کاکہنا ہے اس سے زیادہ اور کیا چاہئے ۔ مرکزی ریلوے کی تقریب کو ریاستی حکومت کے نام کردی جائے ۔ایسا نہیں ہوگا۔
'ممتا کی دیدی گری ہرجگہ نہیں چلے گی' انہوں نے کہاکہ ترنمول کانگریس کی سربراہ اور وزیراعلیٰ ممتابنرجی بھی ریاستی حکومت کی جانب سے منعقد تقریب میں بی جے پی کے مقامی رہنماؤں اور مرکزی وزراء کو مدعو نہیں کرتی ہیں۔
بی جے پی کے رہنما کاکہنا ہے کہ ریاستی بھارتیہ جنتاپارٹی ممتابنرجی کے فیصلے خلاف کبھی بھی احتجاج نہیں کرتی ہے لیکن ترنمول کانگریس والوں کو ہر معاملے میں سیاست کرنے کی عادت پڑ گئی ہے۔
واضح رہے کہ ایسٹ ویسٹ میٹرو کویڈور کے افتتاحی تقریب کے اشتہار میں مغربی بنگال کی وزیر اعلیٰ ممتابنرجی کانام شامل نہیں کیا گیا ہے۔
ایسٹ ویسٹ میٹرو کوریڈور کے افتتاحی تقریب میں وزیر اعلی ممتا بنرجی کو مد نہیں کیے جانے پرحکمراں جماعت نے برہمی کا اظہار کیا ہے ۔
دوسری طرف ایسٹ ویسٹ میٹرو کوریڈور کی افتتاحی تقریب کے لئے جاری اشتہار میں وزیر اعلیٰ ممتابنرجی کے نام شامل نہیں کئے جانے پر حکمراں جماعت ترنمول کاے اراکان اسمبلی اور اراکین پارلیمان نے اس تقریب کے بائیکاٹ کرنے کا اعلان کیا ہے
