بی جے پی کی عوامی رابطہ مہم

ریاستی بھارتیہ جنتا پارٹی نے میونسپلٹی انتخابات سے قبل عوام کو پارٹی سے جوڑنے کے لئے عوامی رابطہ مہم چلانے کا اعلان کیا ہے۔

مغربی بنگال بھارتیہ جنتا پارٹی کے صدر دلیپ گھوش نے کہا کہ 'میونسپلٹی انتخابات کے لئے بی جے پی کی تیاری جاری ہے ۔ ہم کسی بھی انتخابات کے لئے پوری طرح سے تیار ہیں۔'

انہوں نے کہاکہ عوام کوبی جے پی سے جڑنے کے لئے عوامی رابطہ مہم چلانے کا فیصلہ کیا ہے۔ اس کے لئے چائے پر چرچہ مہم چلائی جارہی ہے اس سے لوگوں کی توجہ پارٹی کی جانب مبذول کرانے کی کوشش کی جا رہی ہے۔

بی جے پی رہنما نے کہا کہ 107میونسپلٹی علاقے میں اس عوامی رابطہ مہم سے متعلق جانکاری دینی شروع کردی گئی ہے۔

پارٹی ورکروں سے کہا گیا ہے کہ اگر عوامی طور پر اس پروگرام کی پذیرائی ہوتی ہے تو اس کو ریاستی سطح پر لانچ کیا جائے گا۔

انہوں نے کہا کہ اس عوامی رابطہ مہم سے پارٹی براہ راست عوام سے جوڑ جائے گی اور اس سے میونسپلٹی انتخابات میں ایشوز بھی معلوم ہوں گے کہ لوگوں کو کیا شکایات ہیں۔

بی جے پی کی عوامی رابطہ مہم

اس سے قبل بی جے پی کے ریاستی صدر دلیپ گھوش نے چائے پے چرچہ پروگرام کی شروعات کی تھی۔

اس کے ذریعہ عوام تک پہنچنے کی کوشش کی تھی۔بی جے پی کے مطابق اس پروگرام کو پذیرائی ملی تھی اور بڑی تعداد میں لوگوں نے شرکت کی تھی۔

ترنمول کانگریس کے سیکریٹری جنرل پارتھو چٹرجی نے کہا کہ بی جے پی ہمارے پروگرام کی کاپی کررہی ہے مگر اسے اس کا فائدہ نہیں ملے گا۔