بنگال ضمنی انتخابات سے ریاستی پولیس کو دور رکھنے کا مطالبہ

مغربی بنگال میں آئندہ 25 نومبر کو ہونے والے تین سیٹوں کے ضمنی انتخابات کو ریاستی پولس کو دور رکھنے کا مطالبہ کرتے ہوئے بی جے پی نے مرکزی فورسز کی تعیناتی کا مطالبہ کیا ہے۔

مغربی بنگال میں آئندہ 25 نومبر کو ہونے والے تین سیٹوں کے ضمنی انتخابات کے سلسلے میں آج بی جے پی نے ریاستی چیف الیکشن کمشنر سے ملاقات کی اور ایک خط بھی دیا جس میں انہوں نے مطالبہ کیا ہے کہ آئندہ 25 نومبر کو ریاست تین اسمبلی سیٹوں کالیا گنج، کریم پور اور کھڑگپور صدر ہونے والے ضمنی انتخابات سے ریاستی پولس کو دور رکھا جائے ۔اس سے سے قبل بی جے پی کی جانب سے اس سلسلے دہلی میں بھی الیکشن کمیشن کو خط دیکر اس کا مطالبہ کیا جا چکا ہے ۔آج بی جے پی کے ریاستی سیکریٹری تشار کانتی گھوش کی قیادت میں ایک وفد نے ریاستی چیف الیکشن کمشنر سے ملاقات کی اور مطالبہ کیا کہ آئندہ ضمنی انتخابات کے دوران تینوں اسمبلی حلقہ میں بوتھ سطح پر امن وامان بحال رکھنے کی ذمہ داری سی اے پی ایف کو دی جائے تاکہ ہر ووٹر کو حق راۓ دہی کا استعمال کرنے کا موقع مل سکے اس کے ساتھ ہی انہوں نے مطالبہ کیا کہ سو فیصد بوتھوں پر سی ای پی ایف کو تعینات کیا جائے اور ریاستی پولس کو ان علاقوں سے دور رکھا جائے اور الیکشن کی کوئی بھی ذمہ داری انہیں نہ دی جائے ۔

: