شہریت ترمیمی بل کے خلاف ملک بھر میں جاری احتجاج کے دوران بی سی سی آئی کے سربراہ اور ٹیم انڈیا کے سابق کپتان سورو گنگولی کی صاحبزادی ثنا گنگولی نے سوشل میڈیا کے ذریعہ فرقہ واریت اور مذہبی تعصب کے خلاف مشہور مصنف خوشونت سنگھ کی کتاب کا اقتباس نقل کرکے اشارہ و کنایہ میں اہم پیغام دینے کی کوشش کی ہے۔
اٹھارہ سالہ ثنا گنگولی کے اس پوسٹ کی چوطرفہ سراہنا ہورہی ہے۔بڑے بڑے سیلبریٹی کی اولاد سے عموما اس طرح کی پوسٹ کی امیدنہیں کی جاتی ہے مگر ثناگنگولی نے سبھوں سے ہٹ کر اپنے لیے ایک الگ جگہ بنانے کی کوشش کی ہے۔
انہوں نے خوشونت سنگھ کی کتاب دی اینڈ آف انڈیا کا ایک اقتباس اپنے انسٹاگرام پر پوسٹ کیا ہے۔
وہ لوگ جو یہ سمجھتے ہیں کہ ہم ہندو ہیں یا عیسائی، بے وقوف زندگی گزار رہے ہیں۔ سنگھ پریوار پہلے ہی بائیں بازو کے مورخوں کو نشانہ بنا چکا ہے، آپ اس گروپ سے باہر نہیں ہوں گے۔
'تھوڑی دیر کے بعد آپ ایسے لوگوں کو دیکھیں گے جو گوشت کھاتے ہیں، شراب پیتے ہیں، غیر ملکی فلمیں دیکھتے ہیں، تہوار کے موقع پر ہیکل میں نہیں جاتے ہیں، مسواک کے بجائے ٹوتھ پیسٹ کا استعمال کرتے ہیں، ان کو جئے شری رام کہنا مناسب نہیں ہے۔ ہم میں سے کوئی بھی محفوظ نہیں ہے۔
ایک ایسے وقت میں جب یہ قیاس آرائی کی جارہی تھی کہ سورو گنگولی بی جے پی میں شامل ہوسکتے ہیں ایسے میں ان کی صاحبزادی ثنا گنگولی کا یہ پوسٹ قیاس آرائیوں کی نفی کرتا ہے اور یہ تاثر دیتا ہے کہ گنگولی نے اپنی صاحبزادی کی تربیت اس طرح سے کی ہے جہاں عصبیت اور نفرت کیلئے کوئی جگہ نہیں ہے۔
واضح رہے کہ پارلیمنٹ کے دونوں ایوانوں میں شہریت ترمیمی ایکٹ منظور ہونے کے بعد سے اب تک ملک کی تمام ریاستوں سمیت مغربی بنگال میں بھی مرکزی حکومت کے خلاف پرُتشدد مظاہرے جاری ہے۔
پرُتشدد مظاہرے کے دوران مختلف اضلاع میں سرکاری املاک کو نقصان ہوا ہے۔ مشرقی ریلوے نے تشدد کےسبب متعدد ٹرینیں معطل کرنے کا اعلان کیا ہے۔
