کلکتہ یونیوسٹی میں گورنر کااستقبال کرنے والا کوئی نہیں

ریاستی گورنر جگدیپ دھنکر اچانک کلکتہ یونیورسٹی کا دورہ کیا لیکن وہاں انہیں وائس چانسلر سمیت کوئی اعلیٰ عہدے پر فائز افراد ان کا استقبال کرنے کے لیے نہیں پہنچا

مغربی بنگال کے گورنر جگدیپ دھنکر ریاستی اسمبلی کے دورے پر گیے تھے لیکن اسمبلی ایک دن کے لیے ملتوی ہونے پر وہ راست کلکتہ یونیورسٹی پہنچ گیے۔

گورنرجگدیپ دھنکر جب یونیورسٹی پہنچے تو وہاں ان کاستقبال کرنے والا کوئی نہیں تھا۔ وائس چانسلر سمیت اعلیٰ عہدے پر فائز افراد کے کمرے کے سامنے تالہ لگاہو ا تھا۔

گورنر جگدیپ دھنکرنے کلکتہ یونیورسٹی کے وائس چانسلر اور دیگر افرراد کی غیرموجودگی پرتنقید کرتے ہوئے کہاکہ مجھے سمجھ میں نہیں آ رہا ہے کہ ریاست میں کیا چل رہا ہے۔

انہوں نے کہاکہ اسمبلی میں جاتاہوں تو پتہ چلتا ہےکہ اسمبلی کو ایک دن کے لیے ملتوی کردیاگیا ہے۔ اسمبلی ملتوی کرنے کا فیصلہ حیران کن ہے۔ اسمبلی سے جب کلکتہ یونیورسٹی جاتاہوں تو وہاں بھی چانسلر غائب رہتے ہیں۔

انہوں نے کہاکہ میں کلکتہ یونیورسٹی کے وائس نسلر کو دورے سے متعلق خط لکھا تھا۔ لیکن یونیورسٹی پہنچنے کے بعد معلوم پڑتاہے کہ چانسلرصاحب نہیں ہیں۔

گورنر مغربی بنگال کے مطابق میں گورنر ہوں۔ آئینی عہدے پر فائز ہوں۔ میں کہیں بھی جاسکتا ہوں۔ لیکن میں کہیں بھی جانے سے قبل متعلقہ اداروں کو پیشگی اطلاع کررہا ہوں۔

انہوں نے کہاکہ پیشگی اطلاع کے باوجود کبھی اسمبلی ملتوی کردیاجاتاہے تو کبھی کلکتہ یونیورسٹی کے وائس چانسلر اپنے کمرے میں نہیں رہتے ہیں۔مجھے اس پر افسوس ہے ۔ میں وائس چانسلر کو اس ضمن میں ایک بار پھر خط لکھوں گا۔

: