'ریاستی وزیر بھی میر جعفر نہ بن جائیں'

مغر بی بنگال کے ریاستی وزیر فرہاد حکیم کے اپنے ہی پارٹی کے متنازع رہنما کو غدار اور میر جعفر کہہ پکارنے پر حزب اختلاف کی جماعتیں کانگریس ، سی پی آ ئی ایم اور بی جے پی نے حکمراں جماعت کی جم کر تنقید کی۔

ریاستی بھارتیہ جنتا پارٹی کے سنیئر رہنما راہل سنہا نے کہاکہ حکمراں جماعت ترنمول کانگریس میں دراڑ پڑ چکا ہے۔ اس میں بی جے پی یا کوئی دوسری سیاسی جماعت نہیں بلکہ خود ترنمول کانگریس ذمہ دار ہے۔

کولکاتا میونسپل کارپوریشن کے میئر فرہاد حکیم پر تنقید کر تے ہوئے راہل سنہا نے کہاکہ ترنمول کانگریس اور شبھاشادتہ کے درمیان جوکچھ چل رہا ہے وہ اندرونی خلفشار کا نتیجہ ہے۔ فرہاد حکیم آج اپنے پارٹی کو غدار اور میر جعفر کہہ رہے ہیں۔ کل ایسا نہ ہو کہ وہ خود میر جعفر بن جائیں۔

انہوں نے کہاکہ سیاست کامطلب ہی ہے مفاد اور مطلب پرستی۔ ریاستی وزیر کو پارٹی کی جانب سے سب کچھ مل رہا ہے تو سب ٹھیک ہے کل ان سے تمام سہولتیں چھین لی جائے تو پارٹی کے خلاف بولنے لگیں گے۔

راہل سنہا کے مطابق آئندہ چھ مہینوں کے دوران ریاست میں بڑی تبدیلی ہونے والی ہے ۔ حکمراں جماعت کی حالت دیکھتے ہوئے یہ کہا جاسکتا ہے کہ چھ مہینوں کے اندر ہی قبل از وقت اسمبلی انتخابات کرانے کی نوعبت نہ آجائے۔

انہوں نے کہاکہ اگر قبل از وقت انتخابات ہوتے ہیں تو حکمراں جماعت کو سخت چیلنج کاسامنا کرنا پڑ سکتا ہے۔