جشن آزادی منانا باعث فخر

مغربی بنگال کے گورنر جگدیپ دھن کھڑ نے بیرکپور کے گاندھی گھاٹ میں بابائے قوم گاندھی جی کو خراج تحسین پیش کرتے ہوئے کہا کہ 'تمام تلخ باتوں کو فراموش کرکے یوم آزادی کا جشن منائیں۔'

مغربی بنگال کے شمالی 24 پرگنہ کے بیرکپور میں واقع گاندھی گھاٹ بھارتی تاریخ میں کئی اعتبار سے اہم ہے۔ مغربی بنگال کی تاریخ میں جتنے بھی گورنر گزرے ہیں۔ وہ بیرکپور میں واقع گاندھی گھاٹ میں بابائے قوم کو خراج تحسین پیش کرچکے ہیں۔

ریاستی گورنر جگدیپ دھن کھڑ نے بابائے قوم گاندھی جی کو خراج تحسین پیش کرنے کے بعد قومی پرچم لہرایا۔ انہوں نے میڈیا کو خطاب کرتے ہوئے کہا کہ 'انہیں اس تاریخی مقام کا دورہ کرنے کا موقع ملا جہاں ان سے پہلے کئی اہم شخصیات آ چکے ہیں۔'

گورنر جگدیپ دھر کھڑنے کہا کہ 'بھارت میں آزادی کا جشن سب سے اعلیٰ اور منفرد ہے۔ اس جشن کا کسی سے موازنہ نہیں کیا جا سکتا ہے۔ تمام بھارتیوں کو یوم آزادی کے جشن میں شامل ہونا فخر کی بات ہے۔'

انہوں نے کہاکہ 73 ویں یوم آزادی کے موقع پر انہوں نے کہاکہ ہربھارتی شہری کوآزادی کے جشن میں بڑھ چڑھ کر حصہ لینے کی ضرورت ہے۔ تلخی کے لیے کوئی جگہ نہیں ہے ۔

گورنر کاکہنا ہے کہ ہم سب ایک ہیں۔ ہمیں کوئی طاقت تقسیم نہیں کرسکتی ہے۔ ہمیں صرف آ گے بڑھنا ہے اور ملک کا نام روشن کرنا ہے۔ ملک کانام روشن ہوگا تو دنیا میں ہماری موجودگی کا احساس ہوگا۔

اس موقع پر ریاستی پرنندو اور وزیر مولائے گھاٹک کے علاوہ اعلیٰ پولیس افسران بھی موجود تھے