مغربی بنگال بی جے پی کے صدر دفتر میں رکن پارلیمان دلیپ گھوش نے ترنمول کانگریس پر تنقید کرتے ہوئے کہا کہ 'ترنمول کانگریس کے پاس، حکومت چلانے کی صلاحیت نہیں ہے۔ یہی وجہ ہے کہ پرشانت کشور کو حکومت لیز پر دے دی گئی ہے۔'
انہوں نے مزید کہا کہ 'پارٹی کے بعد اب حکومت کے سرکاری دفتر میں پرشانت کشور نے اپنا دفتر کھول لیا ہے۔ اس کی تنظیم کے اہلکار حکومت کے اہل کاروں کو ہدایت دے رہے ہیں اور وہی لوگ حکومت چلا رہے ہیں۔ پرشانت کشور کی ہدایت پر پارٹی اور حکومت دونوں چل رہی ہے لیکن ممتا بنرجی کو دوسروں کی بات سننے کی عادت نہیں ہے، اسی لیے یہ سب زیادہ دن تک جاری رہنے والا نہیں ہے۔'