'بنگال میں تعلیم پر ایمرجنسی نافذ ہے'

ریاستی گورنر جگدیپ دھنکر نےکہاکہ ریاست میں تعلیم پر ایمرجنسی نافذ ہے۔ لگاتار چار یونیورسٹیوں میں پروگرام ملتوی کریے گیے ہیں اب مجھ سے برداشت نہیں ہوتا ہے۔

جادوپور یونیوسٹی میں سالانہ کنووکیشن ملتوی ہونے پر مغربی بنگال کے گورنر جگدیپ دھنکر نے کہاکہ سچائی یہ ہے کہ ریاست میں میرے ساتھ جو کچھ ہورہا ہے وہ اب برداشت نہیں ہے۔

انہو ں نے کہاکہ لگاتار چار یونیورسٹیوں میں پروگرام ملتوی کریے گیے ہیں ۔ طلباء کے دباؤ کے سامنے یونیورسٹی انتظامیہ کو خودسپردگی کرنا اچھی بات نہیں ہے۔

گورنر نے کہاکہ ریاست میں کچھ بھی ٹھیک نہیں ہے۔ چاروں طراف افراتفری کا ماحول ہے۔ وزیراعلیٰ ممتابنرجی سے ملاقات کرنے کااعلان کیا لیکن انہوں نے اب تک اس کا کوئی جواب نہیں دیا۔

انہوں نے کہاکہ ایسا لگ رہا ہے کہ ریاست کے تعلیمی اداروں پر ایمرجنسی نافذ ہے۔اسکول ،کالج اور یونیورسٹیاں انتظامیہ سے چلتے ہیں لیکن میں دکھ رہا ہوں کہ طلباء تعلیمی ادارے چلا رہے ہیں۔

گورنر کاکہنا ہے کہ اس سے زیادہ اور افسوس کی بات کیا ہوسکتی ہے۔ تعلیمی اداروں پر ایمرجنسی نافذ ہے۔

واضح رہے کہ جادو پور یونیورسٹی کے سالانہ کنووکیشن کے خصوصی پروگرام کو جس میں گورنر جگدیپ دھنکر اور دیگر اہم شخصیات شرکت کرنے والی تھیں طلباء کے احتجاج کی وجہ سے رد کردیا گیا ہے۔

24دسمبر کو منعقد ہونے والے کنووکیشن کی افتتاحی تقریب میں ممتاز شاعر شنک گوش اور سابق سکریٹری خارجہ سلمان حیدر کو ڈی لیٹ کی اعزازی سرٹیفکٹ سے نوازا جانا تھا۔

اس کے علاوہ مشہو ر سفارت کار این آر راؤ اور انڈین اسٹی ٹسٹیکل انسٹی ٹیوٹ کی ڈائریکٹر سنگھ مترا بندوپادھیائے کو اعزاز دیا جاناتھا۔تاہم، یونیورسٹی ذرائع کے مطابق، عام کنونشن پہلے سے طے شدہ پروگرام کے مطابق ہوگا۔

گزشتہ تین دنوں سے طلبا تنظیموں نے گورنر کے بائیکاٹ کا اعلان کررہے ہیں۔طلباء کی ناراضگی ہے کہ گورنر بی جے پی کے اشارے پر کام کررہے ہیں۔

تین مہینے قبل جادو پور میں مرکزی وزیر بابل سپریو کی آمد پر ہوئے ہنگامہ آرائی پر گورنر کے کردار سے بھی طلباء ناراض ہے۔

گورنر کا پروگرام ملتوی ہونے کے بعد بھی طالب علموں کا کہنا ہے کہ وہ احتجاج کا پروگرا ملتوی نہیں کررہے ہیں۔

کیوں کہ گورنر کے اچانک پہنچنے کا امکا ن ہے۔اس لیے گورنر کے خلاف احتجاج کرنے کیلئے جھنڈے،پوسٹر، پلے کارڈ کو تیار رکھا جائے۔