سرکاری ذرائع نے بتایا کہ سی بی آئی نے اس معاملہ میں پوچھ گچھ کے لئے وزیرتعلیم پارتھو چٹرجی کے یہاں کے سالٹ لیک میں واقع سی جی او کمپلکس میں آنے کیلئے تاریخ بھی مقرر کی تھی۔
لیکن مسٹر چٹرجی نے آج سی بی آئی کے سامنے حاضر ہونے سے معذرت ظاہر کرتے ہوئے کہا کہ وہ اس معاملہ میں پارٹی اعلی کمان سے بات چیت کرنے کے بعد سی بی آئی کے سامنے جواب دیں گے۔
سپریم کورٹ کی نگرانی میں شاردا چٹ فنڈ کی جانچ کررہی سی بی آئی بنگال اخبار جاو بنگلہ کی فنڈنگ اور اخراجات کے بارے میں معلومات حاصل کرنا چاہتی ہے۔
اس معاملہ میں ترنمول کے راجیہ سبھا رکن اور جاگو بنگلہ کے پبلشر ڈیرک او برائن سے پوچھ گچھ کے دوران مسٹر چٹرجی کا نام سامنے آیا۔
اس درمیان روز ویلی بدعنوانی کی بھی تفتیش کررہی مرکزی تفتیشی ایجنسی نے کولکتہ کے سابق پولیس کمشنر راجیو کمار کو بھی آج پوچھ گچھ کے لئے طلب کیا تھا لیکن انہوں نے بھی سی بی آئی کو خط بھیج کر مزید کچھ وقت مانگا ہے۔