مغربی بنگال کے دارالحکومت کولکاتا میں واقع تاریخی شہید میدان میں مرکزی وزیر داخلہ امت شاہ کی ریلی کے بعد سی پی ایم کی طلبا تنظیم ایس ایف آئی اور کانگریس کی طلبا تنظیم این ایس یو آئی نے تاریخی میدان کی توہین قراردیتے ہوئے میدان کو گنگا جل سے دھویا۔
امیت شاہ کی ریلی کے بعد شہید مینار میدان کو گنگا جل سے دھوہا گیا اس سے بھارتیہ جنتاپارٹی کے کارکنان برہم ہو گئے ہیں۔ انہوں نے کہاکہ اس طرح کی حرکت سے نیا تنازعہ پیدا ہو سکتا ہے۔ سی پی ایم کو اس حرکت پر معافی مانگنی چاہئے
سی پی ایم اور کانگریس کے طلبا تنظیم نے کہا کہ شہید مینار میدان فرقہ پرستی اور فاشزم کے خلاف مہم کا مرکز رہا ہے ۔مگر امت شاہ گجرات میں بھی نسل کشی میں شامل رہے ہیں ، ان کے ہاتھ خون سے رنگے ہوئے ۔ایسے شخص کا شہید مینار سے خطاب کرنا توہین آمیز ہے ۔
امیت شاہ کی ریلی کے بعد شہید مینار میدان کو گنگا جل سے دھوہا گیا ایس ایف آئی اور چھاتر پریشد کے ممبر ان شہید مینار کے احاطے میںبڑی تعداد میں جمع ہوکر گنگا جل کا میدان میں چھڑکاؤکیا ۔
