مغربی بنگال کے مرشدآباد کے بہرامپور سے کانگریس کے رکن پارلیمان ادھیر رنجن چودھری کاکہنا ہے کہ وزیر اعظم نریندرمودی حالیہ برسوں کے دوران جو فیصلے کئے اس سے عام لوگوں کو نقصان کا سامنا کرنا پڑا ہے۔
'غیرذمہ دارانہ فیصلے سے ملک بحران میں' انہوں نے کہاکہ وزیراعظم نریندر مودی رات کے وقت میڈیا کے سامنے آ تے ہیں اور نوٹ بندی کا اعلان کردیتے ہیں۔ وزیراعظم اچانک جی ایس ٹی اکاعلان کرتے ہیں۔
ادھیر رنجن چودھری کاکہنا ہے کہ نوٹ بندی اور جی ایس ٹی کے سبب ملک کو کتنا نقصان ہو اہے اس کا اندازہ اعلان کے چند ہفتوں کے اندر چل گیا تھا۔
کانگریسی رہنما کاکہنا ہے کہ دونوں پالیسیاں ملک اور عوام مخالف ثابت ہوئیں۔دونوں سے عام آدمی کو پریشانیوں کا سامنا کرنا پڑا۔لوگوں کی پریشانیاں آج تک ختم نہیں ہو سکی۔
انہوں نے کہاکہ لاک ڈاؤن کے دوران مارچ سے جون تک 13کروڑ لوگوں کی نوکری جاچکی ہے۔ لوگوں کی معیشت پوری طرح سے تباہ ہو چکی ہے۔بے روزگاری کی سرح 57 فیصد ہو چکی ہے۔
کانگریسی روہنما کاکہنا ہے کہ بھارتی عوام مالی طور پر کمزور ہو چکے ہیں۔مرکزی حکومت پریشان حال بھارتیوں کو مالی مدد پہنچانے میں پوری طرح سے ناکام ہے۔
لوک سبھا میں کانگریس کے رہنما ادھیر رنجن چودھری کاکہنا ہے کہ اب وزیراعظم نریندر مودی اتماں نربھر کی بات کررہے ہیں۔ کورونا بحران کے دوران پوری دنیا ایک دوسرے پر منحصر ہوتی جا رہی ہے اور ہمارے وزیراعظم اتماں نربھر کی بات کررہے ہیں۔
انہوں نے کہاکہ اتماں نربھر کیا ہے۔میرے ساتھ ساتھ کسی کو بھی معلوم نہیں ہے کہ وہ اتماں نربھر کا مطلب کیا ہے۔ بھارت کے پہلے وزیر اعظم پنڈٹ جواہرلال نہرو سب سے پہلے اتماں نربھر کی بات کی تھی ۔ انہوں نے ملک کو اتماں نربھر بنانے کا اعلان کیا تھا اوراس میں انہیں کامیا بی ملی۔
