مغربی بنگال اسمبلی میں آج کانگریس اور بایاں محاذ کے رہنماوں نے گیس کی قیمتوں میں اضافہ پر تشویش کا اظہار کرتے ہوئے دہلی میں شکست کا بدلہ مرکزی حکومت ملک کے عوام سے رسوئی گیس کی قیمت میں اضافہ کرکے لے رہی ہے۔
'رسوئی گیس کی قیمت میں اضافے کےخلاف تحریک چلانے کا اعلان ' اسمبلی کے باہر نامہ نگاروں سے بات کرتے ہوئے بایاں محاذ کے رہنما سوجن چکرورتی اور منوج چکرورتی نے کہا کہ بی جے پی کہتی ہے کہ اس نے ملک کے ہر خاندان کو گیس سلینڈر فراہم کیا ہے مگر قیمت میں اضافہ کرکے بی جے پی نے لوگوں کو چولہا پر کھانا بنانے پر مجبور کردیا ہے۔
سوجن چکرورتی نے کہا کہ یہ فیصلہ دہلی اسمبلی انتخابات کے نتائج کے بعد کیا گیا ہے۔بی جے پی کی پالیسی ملک مخالف ہے۔
'رسوئی گیس کی قیمت میں اضافے کےخلاف تحریک چلانے کا اعلان ' انہوں نے کہا کہ 2014میں گیس کی قیمت 500روپے سے بھی کم تھا اور اب یہ قیمت بڑھ کر 900روپے تک پہنچ گیا ہے۔
سی پی آ ئی کے رہنما کاکہنا ہے کہ رسوئی گیس کی قیمتوں میں اضا فہ کرنے کی بات ہی نہیں ہے ۔ لیکن مرکزی حکومت نے ایسا کرکے لوگوں سے انتخابات میں شکست کا بدلہ لینے کا فیصلہ کیا ہے۔
انہوں نے کہاکہ رسوئی گیس کی قیمتوں میں اضافہ کرنا ہی تھا تو دہلی انتخابات کے نتائج سے قبل کی جاتی ہے۔ اس پر کسی کو کوئی اعتراض نہیں ہوتا ۔ لیکن دہلی اسمبلی انتخابات کے دوسرے دن ہی رسوئی گیس کی قیمتوں میں اضا فہ کرکے عام لوگوں کی پریشانیوں میں اضا فہ کردیا ۔
