کولکاتا:مغربی بنگال کی وزیر اعلیٰ ممتا بنرجی کی خواہش ہے کہ چندریان-3 کے سائنسدانوں کو ریاستی حکومت کی طرف سے ریڈ روڈ پر ایک عظیم الشان میٹنگ میں نوازا جائے گا۔ جلد ہی حکومت باضابطہ اس سلسلے میں خط لکھے گی ۔اگر اسرو کے سائنس داں اس پروگرام کےلئے راضی ہوجاتے ہیں تو پروگرام کو حتمی شکل دی جائے گی۔ قبل ازیں چیف منسٹر نے چندریان 3 سے وابستہ بنگالی سائنسدانوں کو مبارکباد دینے کی خواہش ظاہر کی تھی۔
ممتابنرجی بنگالی فنکاروں کو استقبالیہ سے نوازنا چاہتی تھیں۔ لیکن اس مرتبہ وزیر اعلیٰ ممتا بنرجی چندریان 3 ٹیم کے ساتھ ساتھ ان کی بھی عزت کرنا چاہتی ہیں۔ تاہم پروگرام کی تاریخ اسرو کے تجویز کو قبول کرنے کے بعد ہی طے کی جائے گی۔ وزیراعلیٰ ممتا بنرجی یہ اعزاز ریڈ روڈ پر درگا پوجا کارنیول کی طرح شاہانہ انداز میں منعقد کرنا چاہتی ہیں۔