مغربی بنگال حکومت نے شرائط کے ساتھ کچھ رعایتیں دیتے ہوئے ریاست میں لاک ڈاون کو دہفتہ کے لئے بڑھا کر اس کی مدت 15تک کرنے کا اعلان کیا ہے۔
ریاستی حکومت کی طرف سےسوموار کو سرکاری ریلیز میں یہ اطلاع دی گئی۔
اس سے پہلے مرکزی وزارت داخلہ نے پورے ملک میں گزشتہ دو مہینوں سے بھی زیادہ عرصہ سے نافذ لاک ڈاون کو اب صرف کنٹینمنٹ زون تک محدود کرکے اس کی مدت 30جون تک بڑھانے کا اعلان کیا۔
مغربی بنگال کے علاوہ اب تک پنجاب اور مدھیہ پردیش نے لاک ڈاون کی مدت بڑھانے کا اعلان کیا ہے۔
وزیر اعلیٰ ممتابنرجی نے کہاکہ مغربی بنگال میں کوروناوائرس سے متاثر مریضوں کی تعداد میں اضافہ ہو نے کے باوجود دیگر ریاستوں کے مقابلے یہاں کے حالات بہتر ہیں۔
انہوں نے کہاکہ مغربی بنگال حکومت نے 15 جون تک لاک ڈاؤن توسیع میں اضا فہ کرنے کا فیصلہ کیا ہے ۔ اس سے عوام کو فائدہ ہوگا اور حکومت کو اس وباء پر قابو پانے میں مدد ملے گی ۔
وزیر اعلیٰ نے کہاکہ 15 جون کے بعد حالات میں نمایاں بہتری ہوئی تو عوام کو مکمل راحت دینے پر غورکیا جا ئے گا۔
عوام سے احتیات برتنے کی اپیل کرتے ہوئے ممتابنرجی نے کہاکہ ان لوک ون جاری ہے۔ان لوک کے چوتھے مرحلے تک ملک کو اس وباءسے نجات مل سکتا ہے۔