جولائی میں تعلیمی اداروں کے کھولنے کے امکانات کو بریک لگاتے ہوئے مغربی بنگال کی وزیرا علیٰ ممتا بنرجی نے آج کہا ہے کہ کورونا وائرس کی موجودہ صورت حال میں جولائی میں اسکولوں کے کھلنے کا امکان نہیں ہے۔
پرائیوٹ اسکولوں سے فیس میں اضافہ نہ کرنے کی اپیل اس سے قبل ریاستی وزیر تعلیم پارتھو چٹرجی نے کہا تھا کہ جولائی میں تعلیمی سلسلے بحال ہوسکتے ہیں مگر حتمی فیصلہ وزیر اعلیٰ کریں گی۔
ریاستی سیکریٹریٹ میں پریس کانفرنس سے خطاب کرتے ہوئے وزیرا علیٰ ممتابنرجی نے کہا کہ جولائی میں اسکو ل کھلنے سے والدین اپنے بچوں کی صحت کے تئیں فکر مند ہوجائیں گے۔اس لئے جولائی میں اسکول نہیں کھولنے کا فیصلہ کیا گیا ہے۔تاہم امتحانات اپنے شیڈول کے مطابق ہوں گے۔
خیال رہے کہ مغربی بنگال ہائر سیکنڈری کے تین پرچے کے امتحانات باقی ہیں جو 2/6/9جولائی کو منعقد ہونے ہیں۔دوسری طرف وزیرا علیٰ ممتا بنرجی نے پرائیوٹ اسکول انتظامیہ سے اپیل کی ہے کہ ا ن حالات میں فیس میں اضافہ نہ کریں۔
دوسری طرف مرکزی وزیر فروغ انسانی وسائل نے گزشتہ دنوں کہا تھا کہ اگست میں کے دوسرے ہفتے کے بعد ہی اسکول کھولا جائے گا۔لیکن ریاستی وزیر تعلیم کو اس کا فیصلہ کرنا ہوگا۔
مغربی بنگال حکومت کی جانب سے کہا گیا تھا کہ جولائی میں 30 فیصد حاضری کے ساتھ کھلا اسکول جا سکتا ہے۔ اس کے علاوہ 8ویں جماعت کے بچے گھر میں ہی تعلیم حاصل کریں گے۔
