کٹ منی پر ممتا کی ضلع پریشد کارکنان کو انتباہ

مغربی بنگال کی وزیر اعلیٰ ممتا بنرجی نے ضلع پریشد کے ارکان کے ساتھ میٹنگ کی جس میں مختلف موضوعات پر تبادلہ خیال ہوا ۔ وزیراعلیٰ نے ضلع پریشد کے ارکان کو تنازع سے دور رہنے کی ہدایت دی ہے

انہوں نے ضلع پریشد ارکان کو کٹ منی کے سلسلے میں خبر دار کیا اور پوجا کمیٹی سے ٹیکس لینے پر اعتراض کرتے ہوئے کہا کہ درگا پوجا تجارت کرنے کی کوئی چیز نہیں ہے۔

ریاستی وزیر ممتابنر جی نے آج ریاست کے سکریٹریٹ نبنو میں ضلع پرشید کے ارکان کے ساتھ میٹنگ کی ۔جہاں انہوں نے تمام اضلاع کے سبھاد پتی اور پنچایت ارکان سے پنچایتی علاقوں میں ترقیاتی کاموں سے متعلق جانکاری حاصل کی ۔اس کے علاوہ پلوں تعمیرات پنچایت ارکان کا بھتہ میں اضافہ پوجا کمیٹیوں کے محصولات اور پوجا کے متعلق سماجی روایت کے متعلق پوچھ تاچھ کی۔

ذرائع کے مطابق ترنمول کانگریس کی زمینی سطح ہر کس طرح بہتری آئے گی۔ اس سلسلے میں ضلع پریشد کے ارکان کے ساتھ میٹنگ بلائی گئی تھی۔ اس میٹنگ میں چیف سکریٹری نے بھی شریک تھے۔

اس کے علاوہ مختلف پنچایتی علاقوں میں کٹ منی کے سلسلے میں سیاست گرم ہے اور اس سلسلے میں ضلع پریشد کو وزیر اعلیٰ ممتا بنرجی کی طرف سے برہمی کا سامنا کرنا پڑا تھا ۔

ممتابنرجی نے واضح کر دیا کہ پنچایتی علاقے میں نئے پلوں کی تعمیر پی ڈبلو ڈی کرے گی۔ تمام ضلع پریشد کے ارکان عوام کو ہفتے دو گھنٹے وقت دیں گے۔ پوجا کمیٹی کو کسی طرح کی ٹیکس کی رعایت کیوں نہی مل رہی ہے۔

انہوں نے کہاکہ پوجا روپے کمانے کی چیز نہیں ہے۔ حکومت پوجا کو ایک سماجی ذمہ داری سمجھتی ہے۔پوجا کمیٹیوں سے ٹیکس لینا صحیح نہیں ہے۔ پوجا بہت سے لوگوں کے لیے روزگار فراہم کرتی ہے۔