ممتا بنرجی نے بھگوان جگن ناتھ رتھ یاترا کے موقع لوگوں کو مبارکباد پیش کر تے ہوئے کہا کہ مغر بی بنگال میں کسی بھی مذہب پر کسی طرح کی پابندی عائد نہیں ہے۔
انہوں نے کہا کہ ہرمذہب کے لوگ اپنے اپنے طریقے سے تہوار منانے کے لیے آزاد ہیں۔ انہیں کبھی بھی کسی بھی طرح کی پریشانیوں کا سامنا نہیں کرنا پڑا۔
وزیراعلیٰ کے مطابق مغربی بنگال میں رہنےوالے تمام مذاہب کے لوگ خوشی خوشی اپنے اپنے تہواروں کو مناتے ہیں تو پابندی کی بات کہاں سے آ گئی۔ میرا یہاں آ نے کا مقصد لوگوں سے ملنا ہے۔
ممتابنرجی کے مطابق بیرونی لوگوں کو بہت سی پریشانیاں ہیں، کیوںکہ وہ مغر بی بنگال میں امن وامان کے ساتھ رہنا نہیں چا ہتے ہیں۔
اس موقع پر ترنمول کانگریس کی سربراہ ممتابنرجی کے ساتھ ساتھ بشیرہاٹ پارلیمانی حلقے سے ترنمول کانگریس کی رکن پارلیمان نصرت جہاں بھی موجود تھی۔