مغربی بنگال کے ضلع پرولیا سے بھارتیہ جنتاپارٹی کے رکن پارلیمان جیوتی موئے سنگھ نے پریس کانفرنس کو خطاب کرتے ہوئے وزیراعلیٰ ممتابنرجی پر سخت تنقید کی ۔
بی جے پی رکن پارلیمان نے ممتا کا کم ان جونگ سے موازنہ کیا
نامہ نگاروں کے سوالوں کا جواب دیتے ہوئے بی جے پی کے رکن پارلیمان کاکہنا ہے کہ ملک اور ریاست اس وقت کورونا بحران سے دوچار ہے ۔ بی جے پی کی قیادت والی مرکزی حکومت اس وباء سے نمٹنے کی بھر پور کوشش کر رہی ہے اوراس میں کامیا بی بھی مل رہی ہے ۔
رکن پارلیمان کاکہنا ہے کہ مرکزی حکومت کو اس بیماری پر قابو پا نے میں کامیابی مل رہی ہے لیکن ریاستی حکومت کو تمام شبعوں میں ناکام ہے ۔
ان کاکہنا ہے کہ ریاست میں حالات یہ ہے کہ غریب لوگوں تک راشن پہنچانے کے لئے کلکتہ ہائی کورٹ کا سہارا لینا پڑرہا ہے۔ ایسا لگ رہا ہے کہ ہم شمالی کوریا میں رہ رہے ہیں۔