'موقع دیں ہم بنگال کو سونار بنگلہ بنائیں گے'

ورچوئیل ریلی کو خطاب کرتے ہوئے وزیر داخلہ امت شاہ نے کہاکہ ممتا بنرجی کی قیادت والی حکومت نے بنگال کو ترقی کی دوڑ سے کوسوں میل پیھچے ڈھکیل دیا ۔ بی جے پی کو ایک بار موقع دیں ہم بنگال کو سوناربنگلہ بنا کر دکھائیں گے۔

مغربی بنگال میں ورچوئیل ریلی کو خطاب کرتے ہوئے بی جے پی کے سنئیر رہنما امت شاہ کاکہنا ہے کہ نے ریاست کے عوام سے اپیل کی کہ بنگال کی عظمت کو بحال کرنے کیلئے اسمبلی انتخاب میں بی جے پی کو ایک موقع دیں۔

بی جے پی کے رہنما کاکہنا ہے کہ بنگال کے لوگوں نے بڑی امیدوں کے ساتھ ممتابنرجی کی سیاسی جماعت ترنمول کا نگریس کو اقتدار میں لا یا تھا لیکن انہوں(ممتا) نے گزشتہ آٹھ برسوں میں ریاست اور یہاں کے عوام کو بنیادی سہولیتوں سے محروم رکھا۔ یہاں جمہوریت نام کی کوئی چیز ہی نہیں ہے۔

امت شاہ نے کہاکہ ممتادیدی خود اقتدار سے بے دخل ہوجائیں یا پھر لوگ انہیں بے داخل کردیں گے۔ 2021 میں ترنمول کانگریس کی شکست اور بنگال میں سنہرے دور کا آغاز ہو گا۔ ممتابنرجی کی قیادت والی ترنمول کانگریس کی حکومت عوام مخالف پالیسیوں پر عمل کرتی ہے۔ مغربی بنگال میں ممتابنرجی کی حکومت سے کا فی بہتر تھی بایاں محاذ کی حکومت ۔

انہوں نے کہا کہ ملک کی جن ریاستوں میں بی جے پی اقتدار میں آئی ہے وہاں ترقیاتی کام بڑی پیمانے پر ترقیاتی کام ہوئے ہیں۔ ترقیاتی دوڑ میں ریاست کے پیھچے ہونے کا مطلب یہاں کے عوام غربت اور مفلسی کی زندگی گزارنے پر مجبور ہیں۔

انہوں نے کہا کہ بنگال میں بی جے پی کو ایک بار موقع دیں۔ بی جے پی سونار بنگلہ بنائے گی۔ سیاسی تشدد سے پاک کیا جائے گا اور جموریت کو بحال کیا جائے گا۔

امیت شاہ نے کہا کہ اپوزیشن جماعتیں بحران کے اس دور میں ریاست کے عوام کی مدد کرنے کے بجائے سیاست کررہی ہیں۔راہل گاندھی حکومت کا ساتھ دینے کے بجائے حکومت کے خلاف پروپیگنڈہ کررہے ہیں۔

انہوں نے کہا کہ جن دھن یوجنا کے تحت60 ملین غریب افراد کی زندگیوں کو تبدیل کردیا ہے۔ مرکزی حکومت نے کورونا بحران میں جندھن منصوبے کے کھاتوں میں 51 کروڑ روپے لوگوں کے اکاؤنٹ میں ڈالے ہیں۔