مغربی بنگال کے کولکاتا کے پارک سرکس میں واقع چائلڈ ہسپتال کے 12 نرسوں کے مثبت پائے جانے کی اطلاع ہے۔
اسپتال کے ذرائع کے مطابق نرس میں کورونا وائرس کی علامات ظاہر ہونے کے بعدکورونا وائرس کی جانچ کرائی گئی تھی۔رپورٹ مثبت آنے کے بعد نرس کے رابطے میں ا ٓنے والی دیگر 16نرسوں کی جانچ کرائی گئی جس میں سے 12نرسوں میں کورونا وائرس مثبت آنے کے بعداسپتال کو فوری طور پر خالی کرنے کا فیصلہ کیا گیا۔
چائلڈ ہیلتھ اتھارٹی کے مطابق اسپتال کو مکمل طور پر خالی کردیا گیا ہے۔اور اسپتال کو سینی ٹائز کیا جارہا ہے۔
ایک اور پرائیوٹ اسپتال پیرلیس میں کئی ڈاکٹروں اور نرسوں میں کورونا وائرس مثبت آنے کے بعد اسپتال کو ایک ہفتے کیلئے آج سے بند کردیا گیا ہے۔اسپتال کے کئی سروس کو بند کردیا گیا ہے۔
پیرلیس اسپتال کے ذرائع کے مطابق ایمرجنسی ڈیپارٹمنٹ،کیموتھراپی اور آؤٹ ڈور کو بند کردیا گیا ہے۔پیئر لیس اسپتال کے چار ڈاکٹر کورونا وائرس سے متاثر ہوگئے ہیں۔