بشیر ہاٹ سے ترنمول کانگریس کی رکن پارلیمان نصرت جہاں نے لوک سبھا میں کہاکہ انہیں سب کمسن رکن پارلیمان کے اعزاز سے نواز ا گیا ہے۔ میں جب پارلیمنٹ میں پہلا قدم رکھا تو ارکان پارلیمان نے دل کھول کر استقبال کیا تھا۔
انہوں نے کہاکہ میری زندگی کا سب سے خوبصورت لحمہ تھا۔میں جسے کبھی بھول نہیں سکتی ہوں۔ لیکن گزشتہ روز ایوان میں جو کچھ ہو ااس پر بے حد افسوس ہے ۔
ترنمول کانگریس کی رکن پارلیمان کاکہنا ہے کہ خواتین کا احترام سب سے اہم ہونا چا ہیے ۔ خواتین کسی سے کم نہیں ہیں ۔ مگر گزشتہ روز پارلیمنٹ میں ایک خاتون کے خلاف جس طرح کا تبصرہ کیا گیا اسے کبھی برادشت نہیں کیا جا سکتا ہے۔
نصرت جہاں نے کہاکہ سنیئر پارلیمان اس طرح کی حرکت کریں گے تو ہم جیسے جونیئر کیا سیکھیں گے۔ اسپیکر جناب آپ میری آنکھوں میں آ نکھوں ڈال کر بات کریں اور باتیں کہ کیا خاتون کے خلاف ہونےو الا تبصرہ صحیح ہے۔
اداکارہ سے رکن پارلیمان نے کہاکہ کل جو کچھ ہو ا اسے دیکھ کر مجھے کچھ بھی سیکھنے کی ضرورت نہیں ہے کہوں کہ وہ ہماری کلچر ہی نہیں ہے۔