حضرت خواجہ ابو سعید کا عرس مبارک

سلطان الہند حضرت خواجہ معین الدین حسن چشتیؒ کے چھوٹے صاحبزادے حضرت سید خواجہ ضیاء الدین ابوسعیدؒ کا عرس آج بڑی شان و شوکت کے ساتھ منایا گیا۔

سلطان الہند حضرت خواجہ معین الدین حسن چشتی کے چھوٹے صاحبزادے حضرت سید خواجہ ضاء الدین ابو سعید کے عرس کا اہتمام کیا گیا جس میں کثیر تعداد میں عقیدت مندوں نے شرکت کی اور دعائے خیر کے ساتھ لنگر کا اہتمام کیا۔ اس موقع پرعرس کی شاہی محفل بھی ہوئی اور قل کی رسم بھی ادا کی گئی۔

عرس میں قل کی رسم ادائیگی میں تریپولیا گیٹ پیر صاحب کی درگاہ سے ایک چادر کا جلوس بھی نکالا گیا۔ اس موقع پرعقیدتمند ملنگوں نے حیرت انگیز کارنامے دکھائے۔

حضرت خواجہ غریب نواز کے تین بیٹے اور ایک بیٹی ہے جس میں حضرت ابوسعید رحمۃ اللہ علیہ کا مزار درگاہ احاطے کے جھالرا کی طرف واقع ہے۔ جہاں ہر برس انجمن معینیہ فخریا سید زادگان کی جانب سے عرس منایا جاتا ہے۔

انجمن سید زادگان کی طرف سے بھی محفل سماع کا پروگرام ہوا۔ اس میں شاہی قوال اسرار حسین پارٹی نے صوفیانہ کلام پیش کیے۔ محفل کے بعد اجتماعی دعا ہوئی اور قل کی رسم کے ساتھ مکمل ہوا۔ اس موقع پر زائرین نے شرکت کی اور عقیدت کی چادر پھول پیش کر منتیں مرادیں مانگی۔