لاکھوں ڈالر کے ساتھ دوگرفتار

نکسل باڑی کسٹم پریونیٹویونٹ نے کنچن جنگا ایکسریش میں خصوصی چھاپہ ماری مہم کے دوران دو افراد کو گرفتار کرکے ان کے پاس لاکھوں امریکی ڈالر بر آمد کیا ہے۔

مغربی بنگال کے نکسل باڑی کسٹم پریونیٹویونٹ کی ٹیم نے خفیہ اطلاع کی بنیاد پرکنچن جنگا ایکسپریش ٹرین میں خصوصی چھاپہ ماری مہم کے دوران لاکھوں امریکی ڈالر سمیت دو افراد کو گرفتارکرلیا۔

نکسل باڑی کسٹم پریونیٹویونٹ نے کہاکہ خفیہ اطلاع کی بنیاد پر سلی گوڑی کے سلچرگرام اسٹیشن پرکھڑی کنچن جنگا ایکسپریش میں خصوصی تلاشی مہم چلائی گئی ۔

انہوں نے کہاکہ تلاشی مہم کے دوران امریکی دالرز کے ساتھ دوافراد کو گرفتار کرلیا۔گرفتار افراد کے پاس سے38ہزار700امریکی ڈالر بر آمد کیاگیا۔

نکسل باڑی کسٹم پریونیٹویونٹ کے مطابق گرفتار افراد کے پاس سے امریکی ڈالرز کے علاوہ 25 ہزار روپے نقد،موبائل فون اور ووٹرکارڈبھی برآمد کیے گیے ہیں۔

نکسل باڑی کسٹم پریونیٹویونٹ کاکہنا ہے کہ دونوں گرفتار افراد میانمار سے بھارت آئےتھے۔کنچن جنگاایکسپریش کے ذریعہ وہ کولکاتا جانے کے دوران انہیں گرفتار کیا گیا ہے۔

انہوں نے کہاکہ پوچھ گچھ کے دوران پتہ چلا ہے کہ دونوں کولکاتا میں سونے کے بسکیٹ فروخت کرچکے ہیں۔