مغربی بنگال گورنر کے خلاف نعرے بازی

گورنرجگدیپ دھنکر کو مرشدآباد کے دومکل میں مقامی باشندوں نے سیاہ جھنڈے دکھائے اور گو بیک کے نعرے لگائے۔

مغربی بنگال کے مرشدآباد ضلع کے دومکل میں گرلس اسکول کی نئی عمارت کاافتتاح کرنے کے لیے گورنرجگدیپ دھنکر کو عوامی مخالفت کا سامنا کرنا پڑا۔

دومکل کے باشندوں نے گورنر جگدیپ دھنکر کو سیاہ جھنڈے دکھاتے ہوئے گو بیک کے نعرے لگائے۔مظاہرین نے گورنر کے قافلے کو روکنے کی کوشش کی لیکن پولیس اور سکیورٹی کی موجودگی کی وجہ سے وہ اپنے مقصد میں کامیاب نہ ہوسکے۔

مرشدآباد کے لوگوں کی مخالفت کے باوجود گورنر مغربی بنگال نے ضلع کے باشندوں سے ملاقات کی خواہش کا اظہارکیا۔

گورنرجگدیپ دھنکر کا کہنا ہے کہ مجھے پتہ نہیں کہ یہ سب کیوں ہورہا ہے۔ لیکن اتنا جانتا ہوں کہ لوگ مجھ سے ملاقات کرنا چاہتے ہیں اور اپنے مسائل کو میرے سامنے رکھناچاہتے ہیں۔

بی جے پی کے کارکنان کا کہنا ہے کہ گورنر کے خلاف بیان بازی کرنے والے عام لوگ نہیں بلکہ ترنمول کانگریس کے حامی ہیں۔ ترنمول کانگریس کے حامیوں نے گورنر کے خلاف گوبیک کانعرہ لگایاہے۔

انہوں نے کہاکہ گورنرآیئنی عہدے پر فائر ہیں اور ان کے خلاف نعری بازی آیئن کے خلاف ہے ۔ وہ کہیں بھی کسی بھی وقت جا سکتے ہیں۔

واضح رہے کہ گزشتہ چند دنوں سے وزیراعلیٰ ممتابنرجی اورگورنرجگدیپ دھنکر کے درمیان لفظی جنگ جاری ہے۔ دونوں ایک دوسرے پر ریاستی کام کاج میں مداخلت کرنے کاالزام لگاتے ہیں۔

گورنرکی جانب سے کبھی وزیراعلیٰ پرتنقیدہوتی ہے توکبھی وزیراعلیٰ گورنرکی تنقیدکا جواب دیتے ہیں۔