اہل خانہ نے الزام عاید کیا ہے کہ آمر علی سردار کی ہلاکت پارٹی کی اندرونی خلفشار کا نتیجہ ہے۔پولس نے ایک درجن افراد کو گرفتار کیا ہے اور ان کے پاس سے بم بھی برآمد کیا گیا ہے۔
اہل خانہ نے الزام عاید کیا ہے کہ علی اپنے گھر سے نکل رہے تھے اسی وقت ترنمول کانگریس یوا کے ممبران نے بم پھینک کرحملہ کردیا۔پولس نے اپنے بیان میں کہا ہے کہ اس معاملے کی جانچ چل رہی ہے۔
مقامی لوگوں نے کہا کہ یووا ترنمول اور ترنمول کانگریس کے ورکر وں کے درمیان مسلسل تشدد ہورہے ہیں اور پارٹی کی اندرونی خلفشار کی وجہ سے کئی افراد کی موت ہوچکی ہے۔
مغربی بنگال کی وزیرا علیٰ ممتا بنرجی نے ترنمول کانگریس کے ممبران اسمبلی جیانتا نسکر اور شوکت ملا سے تشدد کے واقعات پر جواب طلب کیا ہے۔
مقامی رہنماوں نے کہا کہ سی پی ایم کے کچھ رہنما ترنمو ل یووا میں شامل ہوگئے ہیں اور اس علاقے پر کنٹرول حاصل کرنے کی کوشش کررہے ہیں اور اسی وجہ سے یہاں تشدد کے واقعات ہورہے ہیں۔