مہوا موئترا کا سوپن داس گپتا کی رکنیت رد کرنے کا مطالبہ

بی جے پی نے اپنے راجیہ سبھا ایم پی سوپن داس گپتا کو مغربی بنگال اسمبلی انتخابات میں امیدوار بنایا ہے۔ جس پر ترنمول کانگریس کی کرشنا نگر سے ایم پی مہوا موئترا نے ان پر ملک کے دستور کے منافی قرار دیتے ہوئے راجیہ سبھا سے ان کی رکنیت رد کرنے کا مطالبہ کیا ہے۔

ترنمول کانگریس کی ایم پی مہوا موئترا نے بی جے پی کی جانب سے راجیہ سبھا ایم پی سوپن داس گپتا کو امیدوار بنائے جانے پر رد عمل کا اظہار کرتے ہوئے ٹویٹ میں لکھا ہے کہ بی جے پی نے سوپن داس گپتا کو مغربی بنگال اسمبلی انتخابات میں تارکیشور اسمبلی حلقہ سے امیدوار بنایا ہے۔

دستور کی شیڈول 10 کے مطابق راجیہ سبھا کا کوئی نامزد رکن حلف لینے کے چھ ماہ بعد اگر کسی سیاسی جماعت میں شمولیت اختیار کرتا ہے تو اس رکنیت رد ہو جائے گی۔

اس لئے ان کی راجیہ سبھا رکنیت رد کر دی جانی چاہیے۔ گرچہ ترنمول کانگریس کے ہی ایک گروہ کا کہنا ہے کہ مہوا موئترا نے سوپن داس گپتا کو ہوشیار کر دیا ان کو ابھی پرچہ نامزدگی داخل کرنے تک انتظار کرنا چاہتے تھا۔

وہیں مہوا موئترا نے ایک اور ٹویٹ میں لکھا ہے کہ سوپن داس گپتا کے پاس کوئی راستہ نہیں ہے وہ یا تو خود استفیٰ دیں یا پرچہ نامزدگی داخل کرتے ہی دستور کے مطابق ان راجیہ سبھا رکنیت رد ہو جائے گی۔

بی جے پی نے چار ایم پی کو مغربی بنگال اسمبلی انتخابات میں امیدوار بنایا ہے، لیکن سوپن داس گپتا راجیہ سبھا کے نامزد رکن بنے تھے۔ کسی سیاسی جماعت نے ان کو راجیہ سبھا نہیں بھیجا تھا۔