کولکاتا:پارلیمنٹری کمیٹی کے چیئرمین کے نام کا اعلان کے راجیہ سبھا میں ترنمول کانگریس کے رکن پارلیمان اور پارلیمانی پارٹی کے لیڈر ڈیرک اوبرائن نے مرکز میں نریندر مودی حکومت پر تنقید کی۔ TMC PM Derek O Brien Reaction On Parliamentary Committee Chairman
ڈریک او برائن نے ٹوئٹ میں لکھا کہ نئی پارلیمانی کمیٹی کا اعلان کر دیا گیا ہے، لیکن افسوس کی بات ہے کہ اس کمیٹی میں تیسری سب سے بڑی اپوزیشن جماعت ترنمول کانگریس کے ایک بھی رکن کو شامل نہیں کیا گیا ہے۔
ترنمول کانگریس کے رکن پارلیمان ڈریک او برائن نے کہا کہ یہ نئے ہندوستان کی سچی کہانی ہے۔ حکمراں جماعت بی جے پی نے پارلیمنٹری کمیٹی کو اپوزیشن سے چھین لیا۔چیئرمین کا عہدہ ترنمول کانگریس کو ملنے والا تھا لیکن رکن پارلیمان لاکٹ چٹرجی کے حوالے کر دیا گیا۔
انہوں نے کہا کہ بی جے پی کی قیادت والی مرکزی حکومت میں سب کا ساتھ سب کا وکاس دیکھاوا ہے۔اس سے زیادہ کچھ بھی نہیں۔مرکزی حکومت اپنی مرضی کے مطابق سب کچھ کرتی ہے اس کا اپوزیشن سے کوئی مطلب نہیں ہے۔
یہ بھی پڑھیں:Ravan Effigy Falls in Muzaffarnagar راون دہن کے دوران حادثات کے ویڈیو سوشل میڈیا پر وائرل
دوسری طرف بی جے پی کی رکن پارلیمان لاکٹ چٹرجی نے ڈریک او برائن کے ٹوئٹ پر ترنمول کانگریس کو ہدف تنقید بناتے ہوئے کہا کہ مغربی بنگال اسمبلی میں بی جے پی کے70 سے زائد ارکان اسمبلی ہونے کے باوجود بولنے کی اجازت نہیں ہوتی۔
انہوں نے کہا کہ ترنمول کانگریس کو ان سب باتوں کے بجائے اپنی ریاست پر توجہ مرکوز کرنے کی ضرورت ہے۔ممتابنرجی کو اپنا گھر سنبھالنے کرنے کی کوشش کرنی چاہئے۔TMC PM Derek O Brien Reaction On Parliamentary Committee Chairman
