Ten Died After Drinking Liquor: زہریلی شراب پینے سے متعدد ہلاک

ہوڑہ ضلع کے گھشڑی کے مال پانچگھڑا تھانہ کے تحت گجانند بستی میں زہریلی شراب پینے سے 10 افراد کی موت ہوگئی جبکہ متعدد افراد کو ضلع ہسپتال میں داخل کرایا گیا ہے۔ Ten People Die After Drinking Toxic Liquor

مغربی بنگال: ہوڑہ ضلع کے گھشڑی کے مال پانچگھڑا تھانہ کے تحت گجانند بستی میں زہریلی شراب پینے سے 10 لوگوں کی موت ہوگئی ہے۔ جس کے بعد علاقے میں سنسنی پھیل گئی ہے۔ ضلع انتظامیہ کے اعلیٰ حکام جائے وقوع پر پہنچ چکے ہیں۔

ذرائع کے مطابق ہوڑہ ضلع کے گھشڑی کے مال پانچگھڑا تھانہ کے تحت گجانند بستی میں زیادہ تر افراد کا مشرقی مدنی پور ضلع سے تعلق ہیں۔ گزشتہ شب بستی کے لوگوں نے شراب نوشی کی تھی۔ شراب نوشی کے بعد متعدد افراد کی حالت اچانک بگڑ گئی. اسی دوران افراتفری کے عالم میں چار لوگوں کی ہسپتال لے جانے کے دوران راستے میں ہی موت ہوگئی جبکہ دیگر دو افراد کی ہسپتال میں موت ہوئی ہے۔

ضلع انتظامیہ کے مطابق زہریلی شراب سے ہی یہ واقعہ پیش آیا ہے۔ پولیس کو اس کی اطلاع دے دی گئی ہے۔ وہیں پولیس نے کہا کہ پورے معاملے کی تفتیش کی جا رہی ہے۔ اور پتہ لگانے کی کوشش کی جا رہی ہے کہ زہریلی شراب کہاں سے اور کس نے لائی تھی۔ اس معاملے میں ملوث افراد کی جلد ہی گرفتاری ہوگی۔ دوسری جانب مقامی باشندوں نے شراب کے اڈے پر توڑ پھوڑ کی۔ مقامی باشندوں نے اڈے کے مالک کی گرفتاری کا مطالبہ بھی کیا۔