SSC Passed Candidates Protest: ایس ایس سی کامیاب امیدواروں کا احتجاج روزے کی حالت میں بھی جاری

مغربی بنگال اسکول سروس کمیشن کے خلاف کلکتہ ہائی کورٹ میں بدعنوانی کے کے معاملے میں شنوائی جاری ہے۔ دوسری جانب ایس ایس سی میں اساتذہ کی تقرری میں ہوئے بدعنوانیوں کے شکار امیدواروں کا کولکاتا کے دھرمتلہ گاندھی مورتی کے پاس گذشتہ 184 روز سے دھرنا و احتجاج جاری ہے۔ دھرنے میں کئی روزے دار شدید گرمی میں دھرنے میں شامل ہیں۔ وہیں اساتذہ کی تقریری میں ہوئے بدعنوانی کے خلاف کلکتہ کورٹ نے سی بی آئی جانچ کا حکم دیا ہے۔SSC Passed Candidates Protest in Ramazam Fasting

ریاست مغربی بنگال کے اسکولوں میں اساتذہ کی تقرری کرنے والی اسکول سروس کمیشن پر اساتذہ کی تقرری میں بدعنوانی کا معاملہ کلکتہ ہائی کورٹ میں چل رہا ہے۔ کلکتہ ہائی کورٹ نے معاملے کی جانچ کے لیے سی بی آئی کو ذمہ داری دی ہے اور معاملے کی جانچ جاری ہے، دوسری جانب ریاستی حکومت کے خلاف اسکول سروس کمیشن کے امتحان میں کامیابی کے بعد بھی نوکری نہ ملنے پر ایس ایس سی کے کاماب امیدوار 184 دنوں سے کولکاتا کے دھرمتلہ میں گاندھی مورتی کے پاس دھرنا و احتجاج کررہے ہیں SSC Passed Candidates Protest۔ دھرنے میں کئی ایسے امیدوار ہیں جو روزے کی حالت میں بھی اس شدید گرمی میں شریک ہیں۔ روزے کی حالت میں دھرنا میں شامل ہونے پر کئی روزے دار بیمار بھی پڑ گئے لیکن ان کا دھرنا اب بھی جاری ہے۔ West Bengal SSC Passed Candidates Protest

واضح رہے کہ گذشتہ ایک برس سے زائد عرصہ سے یہ امیدوار احتجاج کر رہے ہیں، حکومت کی طرف سے بار بار وعدہ کرنے کے باوجود بھی تقرری نہیں ہوئی ہے۔ وہیں اسکول سروس کمیشن کی جانب سے ہوئے اساتذہ کی تقرری کی جانچ میں یہ بات سامنے آئی ہے کہ سینکڑوں ایسے لوگوں کو تقرری دی گئی ہے جنہوں نے اسکول سروس کمیشن کا امتحان بھی نہیں دیا ہے۔ جس کے بعد کلکتہ ہائی کورٹ میں اسکول سروس کمیشن کے خلاف معاملہ دائر کیا گیا۔ کلکتہ ہائی کی سنگل بینچ نے اس معاملے کی سی بی آئی جانچ کا حکم دیا ہے، جس پر ڈویژن بینچ نے روک لگادی تھی۔ جس کے خلاف سنگل بینچ کے جج نے سپریم کورٹ کو خط لکھا تھا۔

ایس ایس سی کامیاب امیدواروں کا احتجاج روزے کی حالت میں بھی جاری

کولکاتا کے دھرم تلہ کے گاندھی مورتی کے پاس جاری دھرنے میں امیدواروں کو اپوزیشن کی بھی حمایت حاصل ہے۔ دھرنے میں شامل اسٹوڈنٹس یوتھ رائٹس منچ کے رکن رقیب الرحمان جو روزے کی حالت میں بھی دھرنے میں بیٹھے ہوئے نے بتایا کہ گذشتہ ایک سال میں میں تین بار ہم دھرنا کر چکے ہیں، فی الحال 184 دنوں سے دھرنے پر بیٹھے ہوئے ہیں۔ اس سے قبل جب ہم دھرنے پر بیٹھے تھے تو وزیر اعلی ممتا بنرجی نے ہمیں یقین دہانی کرائی تھی کہ ہمیں جلد تقرری مل جائے گی، لیکن ہمیں امتحان پاس کرنے بعد بھی اس شدید گرمی میں سڑکوں پر بیٹھے ہوئے ہیں اور جنہوں نے امتحان بھی نہیں دیا وہ نوکری کر رہے ہیں۔ فی الحال کلکتہ ہائی کورٹ میں معاملہ چل رہا ہے۔ ہائی کورٹ نے سی بی آئی جانچ کا حکم دیا ہے۔ کئی سبجیکٹ کا معاملہ حل ہو چکا ہے لیکن ابھی بھی سینکڑوں ہم جیسے امیدوار اپنے حقوق کی لڑائی لڑ رہے ہیں۔ دھرنے میں کئی لوگ ایسے ہیں جو روزے کی حالت میں بھی احتجاج کر رہے ہیں اس شدید گرمی میں راستے پر بیٹھے ہوئے کئی لوگ اب تک بیمار ہو چکے ہیں۔ حکومت سے مطالبہ ہے کہ جلد از جلد ہمیں تقرری دی جائے اور جب تک ہمیں تقرری نہیں دی جاتی ہم دھرنا جاری رکھیں گے۔'